fbpx

کورونا وبا: ملک بھر میں 236 نئے کیس رپورٹ

قومی ادارہ صحت کے مطابق ملک بھر میں کیئے گئے ٹیسٹ میں گزشتہ 24 گھنٹوں میں 236 مزید نئے کیسز مثبت آئے ہیں۔ جبکہ شرح فیصد 1.55 رہی۔

این آئی ایچ نے بتایا: اس وقت پاکستان میں 152 مریضوں کی طبیعت تشویشناک ہے۔ 

دوسری جانب عالمی ادارہ صحت نے خبردار کرتے ہوئے کہا ہے کہ کورونا کی وبا کا خاتمہ فلحال ممکن نہیں ہے۔

ڈبلیو ایچ او کے سربراہ ٹیدروس نے کہا کہ دنیا بھر میں بڑھتے کورونا کیسز کی لہر اس بات کا ثبوت ہے کہ کووڈ نائنٹین کی وبا کا خاتمہ قریب نہیں ہے۔

ادھر وائٹ ہاؤس نے کورونا کے نئے ویریئنٹ بی اے 5 سے نمٹنے کیلیے بوسٹر شاٹس لگوانے اور ٹیسٹس کروانے کی نئی مہم شروع کرنے کا اعلان کردیا۔

چین میں کورونا کیس رپورٹ ہونے پر شہر "وگانگ” میں تین دن کا لاک ڈاؤن لگا دیا گیا ہے۔ صرف ایمرجنسی کی صورت میں لوگوں کو گھر سے نکلنے کی اجازت ہوگی۔