نئے البم کے گیتوں کے بول میری زندگی سے جڑی سچی کہانیوں اور جذبات کی عکاسی ہیں اذان سمیع

0
31

پاکستانی نژاد بھارتی معروف موسیقار عدنان سمعیع اور زیبا بختیار کے بیٹے گلوکار اذان سمیع خان نے اپنے پہلے سولو میوزک البم کا کور اور ٹریک لسٹ ریلیز کرنے کر دیا۔

باغی ٹی وی : اپنے پہلے سولو میوزک البم کا کور اور ٹریک لسٹ کے حوالے سے اذان سمیع خان کا کہنا ہے کہ میوزک البم میں انہوں نے ناصرف اپنی آواز کا جادو جگایا ہے بلکہ گیتوں کے بول میری زندگی سے جڑی سچی کہانیوں اور جذبات کی عکاسی کرتے ہیں۔

تاہم علاوہ ازیں اذان کے نئے البم کا ٹائٹل ‘میں تیرا‘ ہے، البم کور اور ٹریک لسٹ کی رونمائی کے بعد البم کی فہرست سے پہلا گانا ‘میں تیرا‘ بھی 10 فروری 2021 کو ریلیز کیا جائے گا۔

سوشل میڈیا پر جاری اپنی حالیہ پوسٹ میں انہوں نے ٹریک لِسٹ جاری کرتے ہوئے کہا کہ ’ہم ملیں گے، آواز میری ہوگی لیکن تم خود کو سنو گے۔

اذان سمیع کی اس پوسٹ پر اداکار شہریار منور نے مبارکباد دیتے ہوئے نیک تمناؤں کا اظہار کیا-

واضح رہے کہ اذان سمیع گلوکار عدنان سمیع اور زیبا بختیار کے بیٹے ہیں۔زیبا بختیار اور عدنان سمیع 1993میں رشتہ ازدواج میں منسلک ہوئے تھے تاہم 1997میں کچھ وجوہات کی بنا پر دونوں میں طلاق ہوگئی تھی۔

Leave a reply