نازیبا تصاویر شیئر کر کے بلیک میل کرنیوالا ملزم گرفتار

ایف آئی اے سائبر کرائم سرکل فیصل آباد نے کارروائیاں کی ہیں اور 4 ملزمان کو گرفتار کیا ہے

سائبر کرائم سرکل فیصل آباد نے کامیاب کاروائیاں کرتے ہوئےملزم محمد امین کو گرفتار کر لیا۔ ملزم سوشل میڈیا کے ذریعے شکایت کنندہ کی قابل اعتراض تصاویر شئیر کرنے میں ملوث تھا۔ ملزم شکایت کنندہ کو بلیک میل بھی کر رہا تھا۔ ابتدائی تفتیش کے مطابق ملزم کے موبائل سے قابل اعتراض مواد برآمد کر لیا گیا۔

ایک اور کارروائی میں سائبر کرائم سرکل فیصل آباد نے ملزم محمد ناصر، رمضان اور امان اللہ کو گرفتار کر لیا گیا۔ گرفتار ملزمان نے خود کو شکایت کنندگان کا رشتےدار ظاہر کرتے ہوئے پیسے بٹورتے۔ ملزمان نے دھوکہ دہی کرتے ہوئے 10 لاکھ روپے سے زائد کی رقم ہتھیائی۔ گرفتار ملزمان کے خلاف پیکا ایکٹ کے تحت مقدمات درج کر لیے گئے۔

ڈائریکٹر جنرل ایف آئی اے محسن حسن بٹ کی ہدایت پر ایف آئی اے کی ہنڈی حوالہ اور غیر قانونی منی چینجرز کے خلاف ملک گیر کارروائیاں جاری ہیں کاروائیوں میں ملکی و غیر ملکی کرنسی برآمد کرلی گئی

ایف آئی اے کارپوریٹ کرائم سرکل کراچی نے خفیہ اطلاع پر کراچی کے علاقے گورومندر میں کارروائی کرتے ہوئے ہنڈی حوالہ اور منی ایکسچینج کے غیر قانونی کاروبار میں ملوث ملزم عتیق محنتی کو گرفتار کرلیا گیا ملزم اپنی رہائشگاہ سے ہنڈی حوالہ اور منی ایکسچینج کا غیر قانونی کاروبار چلانے میں ملوث ہے گرفتار ملزم نے حوالہ سے آنے والی رقم کی وصولی کے لئے رائیڈر رکھا ہوا تھا جو ملزم کی پیمنٹ لاکر دیا کرتا تھا ایف آئی اے نے کارروائی کے دوران ملزم کے قبضے سے 5100000 روپے پاکستانی،2000 امریکی ڈالر، 2 موبائل فونز اور لیپ ٹاپ برآمد کرلئے

نعرے ریاست مدینہ کےاورغلامی امریکہ کی واہ شہبازگل باجوہ

شہباز گل پر ایسا تشدد ہوا جو بتایا جا سکتا اور نہ دکھایا جا سکتا ہے، بابر اعوان

جمیل فاروقی بھی پی ٹی آئی چیئرمین عمران خان کی طرح یو ٹرن کے ماہر نکل