نذیر چوہان کو اسمبلی میں پیش نہ کرنے پراسپیکر پنجاب اسمبلی برہم

اسپیکر چوہدری پرویز الہی نے اظہار برہمی کرتے ہوئے کہا کہ ابھی تک پروڈکشن آرڈر پرعمل نہیں ہوا ہے.

ایف آئی اے نے ترین گروپ کے گرفتار رکن پنجاب اسمبلی نذیر چوہان کو دوسرے روز بھی اسمبلی میں پیش نہیں کیا ہے، نذیر چوہان کو ایوان میں نہ لانے ہر اسپیکر ایک بار پھر برہم ہوگئے ہیں، بغیر کاروائی ہی اجلاس ملتوی کردیا گیا ہے، پنجاب اسمبلی کا اجلاس پیر کے روز دو بجے تک ملتوی کردیا گیا ہے، ایوان میں شیم، شیم کے نعرے لگائے گئے ہیں، ارکان کا ڈیسک بجا کراسپیکر کے فیصلے کا خیرمقدم کیا گیا ہے، ایوان میں ایجنڈے کی قانون سازی نہ ہوسکی ہے.