نظریہ پاکستان کونسل کے زیراہتمام "جنگِ ستمبر کا ادبی محاذ: جذبہ سفر میں ہے”تقریب کل ہوگی

اسلام آباد: نظریہ پاکستان کونسل کے معروف ادبی و فکری ماہانہ سلسلے نقطہئ نظر کے تحت کل 17ستمبر 2019ء سہ پہر 3:30 بجے ایوانِ قائد فاطمہ جناح پارک میں ایک خصوصی تقریب "جنگِ ستمبر کا ادبی محاذ: جذبہ سفر میں ہے”کے عنوان سے ترتیب دی گئی ہے جس میں جڑواں شہروں کے دانشور، جنگِ ستمبر 1965ء کے دوران تحریر کئے گئے یادگار ولولہ انگیز قومی نغموں اور ترانوں، جرات آفرین مضامین، ڈراموں اور افسانوں کے حوالے سے اِن تخلیقات کے لکھاریوں اور پیش کرنے والے فن کاروں کو خراجِ تحسین پیش کریں گے۔ تقریب میں معروف دانشور خاور اعجاز، یوسف عالمگیرین، ڈاکٹر ارشد ناشاد،نعیم فاطمہ علوی، ڈاکٹر حمیرا اشفاق اور طاہر یاسین طاہر اپنے مقالے پیش کریں گے۔