نیلم منیر کی مسٹری تھرلر فلم ’چکر‘ کا ٹیزر جاری،فلم عید الفطر پرریلیز کرنے کا اعلان

0
32

پاکستان کی مسٹری تھرلر فلم ’چکر‘ کا ٹیزر جاری ،فلم کو رواں سال عید الفطر پر ریلیز کرنے کا اعلان کردیا گیا۔

باغی ٹی وی : اداکار، ہدایت کار و پروڈیوسر یاسر نواز اور ان کی اہلیہ ندا یاسر کی جانب سے مشترکہ طور پر پروڈیوس کردہ فلم ’چکر‘ کی شوٹنگ گزشتہ دو سے ڈھائی سال سے جاری تھی اور کورونا کی وجہ سے اس کی شوٹنگ اور ریلیز میں بھی تاخیر ہوئی تاہم اب فلم کی پہلی جھلک جاری کرتے ہوئے اسے رواں برس عیدالفطر پر ریلیز کرنے کا اعلان کردیا گیا ہے-

میرا عتیق الرحمن کی بیوی قرار،اداکارہ کی والدہ کا بیان بھی سامنے آگیا

ندا یاسر اور نیلم منیر نے فلم ’چکر‘ کا ٹیزر جاری کرتے ہوئے اسے رواں برس چھوٹی عید پر سینما گھروں میں پیش کرنے کا اعلان کیا ندا یاسر نے فلم کا ٹیزر شیئر کرتے ہوئے کیپشن میں بتایا کہ ان کی ٹیم نے بڑی محنت سے ’چکر‘ کو بنایا ہے جو کہ مکمل طور پر کمرشل فلم ہے اور شائقین اسے دیکھ کر محظوظ ہوں گے۔

ماڈل و اداکارہ سبیکا امام کو قتل اور تیزاب کے حملے کی دھمکیاں

یاسر نواز نے بھی فلم کا پوسٹر انسٹاگرام پر شیئر کراتے ہوئے لکھا کہ ʼʼآپ لوگوں نے ہمیشہ یاسر اور ندا کو پیار دیا۔ انٹرٹینمنٹ، تھرلر اور مسٹری سے بھرپور فلم ʼچکرʼ ایسی فلم ہے جو آپ نے اس سے پہلے کبھی نہیں دیکھی ہوگی

یاسر نواز کی ہدایتکاری میں بننے والی اس فلم میں اداکارہ نیلم منیر کے ہمراہ اداکار احسن خان اور جاوید شیخ بھی اسکرین پر نظر آئیں گے ممکنہ طور پر اس میں فیروز خان اور ماورا حسین بھی مختصر کرداروں میں دکھائی دیں گے۔

ہانیہ عامر اورفرحان سعید بھی پشاور زلمی کے برانڈ ایمبیسیڈر بن گئے

ماضی میں دیئے گئے انٹرویو میں ندا یاسر کا کہنا تھا کہ اگرچہ فلم کی کہانی ایک قتل کی گتھی سلجھانے کے گرد گھومتی ہے تاہم یہ فلم مکمل طور پر کمرشل ہے اور شائقین کو خوش کرنے میں کامیاب جائے گی ’چکر‘ میں شائقین کو سسپینس سمیت کامیڈی بھی دیکھنے کو ملے گی۔

’چکر‘ کی شوٹنگ صوبہ سندھ کے دارالحکومت کراچی سمیت صوبے کے دیگر علاقوں میں کی گئی ہے اور ٹیزر میں سندھ کے مختلف علاقوں کے مناظر بھی شامل کیے گئے ہیں۔

کترینہ کیف کی بہن ازابیل بلال سعید کی میوزک ویڈیو میں دکھائی دیں گی

Leave a reply