تل ابیب: اسرائیلی وزیراعظم نیتن یاہو نے غزہ پر وحشیانہ بمباری جاری رکھنے کے عزم کا اظہار کیا ہے۔
باغی ٹی وی :عالمی خبر رساں ادارے کے مطابق ان جارحانہ عزائم کا اظہار اسرائیلی وزیراعظم بنیامن نیتن یاہو نےسرکاری ٹیلی وژن پر اپنی قوم سے خطاب میں کیا، نیتن یاہو نے خبردار کیا کہ حماس میں مزید طاقت سے حملے کریں گے، اب امن مذاکرات جنگ کے شعلو ں کے درمیان ہوں گے۔
اسرائیلی وزیراعظم نے کہا کہ حماس نے گزشتہ 24 گھنٹوں کے دوران ہماری طاقت کا مزہ چکھ لیا ہوگا اور حماس جان لے یہ تو ابھی صرف ابتدا ہے، نیتن یاہو نے ایک بار پھر اپنے جنگی عزائم کا اظہار کرتے ہوئے کہا کہ ہم اپنے جنگی مقاصد حاصل کیے بغیر پیچھے نہیں ہٹیں گے، ہمارے جنگی مقاصد تمام یرغمالیوں کی رہائی، حماس کا خاتمہ اور غزہ کو دوبارہ اسرائیل کے لیے خطرہ نہیں بننے دینے کے وعدے کی یقین دہانی کرانا ہے۔
طورخم تجارتی گزرگاہ 25 روز بعد کھول دی گئی
واضح رہے کہ غزہ کی وزارت صحت کا کہنا ہے کہ اسرائیل کے گزشتہ دو راتوں سے جاری حملوں میں 404 فلسطینی شہید ہوگئے جن میں 180 سے زائد بچے شامل ہیں، اسرائیلی حملوں میں 560 سے زائد فلسطینی زخمی بھی ہوئے جن میں سے دو درجن سے زائد کی حالت نا زک ہونے کے باعث شہادتوں میں اضافے کا خدشہ ہے۔
بے نظیر انکم سپورٹ پروگرام میں 141 ارب روپے کی مالی بے ضابطگیوں کا انکشاف
