fbpx

نیپرا نے عوام کو خوشخبری سُنا دی

نیشنل الیکٹرک پاور ریگولیٹری اتھارٹی (نیپرا) نے جون کی فیول ایڈجسٹمنٹ کی مد میں بجلی 21پیسے فی یونٹ سستی کر دی ہے۔

باغی ٹی وی :تفصیلات کے مطابق صارفین کوآئندہ ماہ کےبلوں میں ریلیف ملے گا نیپرا بجلی قیمت میں کمی کے حوالے سے اپنا تفصیلی فیصلہ بعد میں جاری کرے گا۔

فیصلے کا اطلاق لائف لائن زرعی صارفین اور کے الیکٹرک صارفین پر نہیں ہوگا ممبر سندھ نیپرا رفیق شیخ نے کہا کیا سی پی پی اے کا این ٹی ڈی سی کےساتھ بجلی ترسیل کا کوئی معاہدہ ہے۔

سی پی پی اے حکام کا کہنا تھا کہ این ٹی ڈی سی کا بجلی کمپنیوں کے ساتھ بجلی ترسیل کا معاہدہ ہے ممبرسندھ نیپرا کہا اگراین پی سی سی کسی چیز کی ذمہ داری نہیں لیتا تو ٹیرف پٹیشن کیوں لے کرآئے ہیں۔

رفیق شیخ کا کہنا تھا کہ ڈھائی سال سے چل رہاکہ ادارے ایک دوسرے پر ذمہ داری ڈال رہے ہیں اب بات سیٹل ہونی چاہیے کہ کس کی کیا ذمہ داری ہے۔