نئی دہلی جیل سے رہا چار کشمیریوں کے سری نگر پہنچنے پر رقت آمیز مناظر

بھارت کی ایک عدالت نے گزشتہ 23 سال سے نئی دہلی کی تہاڑ جیل میں غیر قانونی طورپر قید چار کشمیریوں کو رہا کردیا ہے اور یہ کشمیری آج نئی دہلی سے سری نگر پہنچ گئے ہیں،

باغی ٹی وی کی رپورٹ کے مطابق اس دوران جب وہ اپنے اہل خانہ سے ملے تو رقت آمیز مناظر دیکھنے میں آئے اوریہ صورتحال دیکھ کر ہر شخص غم کی تصویربنا رہا، نئی دہلی کی تہاڑ جیل سے مرزا نثار احمد، علی محمد کلے، لطیف احمد وازہ اور اسداللہ آج نئی دہلی سے سری نگر پہنچے، بھارتی ریاست راجستھان کی ایک عدالت نے ان کی رہائی کا حکم جاری کیا تھا، مذکورہ کشمیریوں کو بھارتی پولیس نے نئی دہلی کے علاقے لاجپت نگر میں مبینہ طور پر ایک بم دھماکے کے بعد گرفتار کیاتھا،

بزرگ کشمیری قائد سید علی گیلانی کی ہدایت پر بلال احمد صدیقی، مولوی بشیر احمد، فیروز احمد خان اور سید محمد شفیع پر مشتمل حریت کانفرنس کے ایک وفد نے سری نگر کے ہوائی اڈے پر ان کا استقبال کیا،