fbpx

افغان طالبان کی دنیا ہی بدل گئی : شعبہ افغان فلم کا نیا ڈائریکٹر تعینات

کابل :افغان طالبان کی دنیا ہی بدل گئی : شعبہ افغان فلم کا نیا ڈائریکٹر تعینات ،اطلاعات کے مطابق افغانستان کی وزارت اطلاعات و ثقافت نے شعبہ افغان فلم کا نیا عبوری ڈائریکٹر تعینات کردیا۔

افغان میڈیا رپورٹس کے مطابق وزارت اطلاعات و ثقافت کے شعبہ افغان فلم کیلئے جاوید افغان کو نیا ڈائریکٹر بنایا گیا ہے اور اس حوالے سے آج انہوں نے دفتر بھی جوائن کرلیا ہے۔

 

 

دوسری جانب افغان فلم کی سابق ڈائریکٹر صحرا کریمی نے بھی ٹوئٹر پر نئے ڈائریکٹر کی تصویر شیئر کی اور کہا کہ یہ میرا دفتر تھا اور اس میں رکھے پھول بھی میرے تھے۔

خیال رہے کہ گزشتہ دنوں طالبان نے عبوری حکومت کا اعلان کیا تھا جس میں خیراللہ خیرخواہ کو وزیر اطلاعات و ثقافت مقرر کیا گیا جبکہ ان کے نائب وزیر ذبیح اللہ مجاہد ہیں۔