fbpx

نیوزی لینڈ کوشکست، ٹوئٹر پر’سیکیورٹی‘کا ٹرینڈ اور مزاحیہ میمز کا طوفان

پاکستان کی نیوزی لینڈ کے خلاف شاندار جیت کی خوشی میں شائقین کرکٹ ٹوئٹر پر’سیکیورٹی‘ ٹرینڈ چلا رہے ہیں جبکہ سوشل میڈیا پر مزاحیہ میمز کا طوفان برپا ہے-

باغی ٹی وی : تفصیلات کے مطابق نیوزی لینڈ پر طنزومزاح سے بھرپور میمز شیئر کی جا رہی ہیں اور سیکیورٹی کے نام پردورہ پاکستان منسوخ کرنے پر کڑی تنقید بھی کی جارہی ہے۔


سوشل میڈیا پر وائرل ایک میم میں بابراعظم کیوی کپتان سے پوچھ رہے ہیں کیا اب محفوظ محسوس کر رہے ہیں؟ ایک صارف نے آصف کی تصویر کے ساتھ تبصرہ داغا، یہ تھا اصل سیکیورٹی تھریٹ۔


ایک صارف نے کیوی کپتان اور شعیب ملک آصف کی تصویر شئیر کرتے ہوئے لکھا کہ سیکیورٹی فنٹاسٹک تھی-


وفاقی وزیر فواد چوہدری کا ایک ویڈیو کلپ وائرل ہو رہا ہے جس میں وہ کہہ رہے ہیں کہ آسل غصہ ہی ہمیں نیوزی لینڈ پر تھا یہ انڈیا تو راستے میں آگیا-


نیوزی لینڈ کی حکومت سے سوشل میڈیا پر یہ سوال کررہے ہیں کہ شارجہ میں تو آپ کو سیکیورٹی کا مسئلہ درپیش نہیں تھا ؟ کیونکہ آپ نے سیکیورٹی کا بہانہ بناکر پاکستان کا دورہ ختم کردیا تھا۔


سوشل میڈیا صارفین کا کہنا ہے کہ ویلڈن پاکستان، سیکیورٹی کا مسئلہ بھی کامیابی سے حل ہوگیا۔


پاکستانی سابق فاسٹ بالر شعیب اختر بھی کسی سے پیچھے نہ رہے انہوں نے بھی ٹویٹ کیا کہ میری تمام پاکستانی شائقین سے درخواست ہے کہ وہ خاموش رہیں یادہ لطف اندوز نہ ہوں۔ اس بات کا پورا امکان ہے کہ نیوزی لینڈ سیکیورٹی خدشات کی بناء پر نہیں تو اسٹیڈیم کے اندر بہت زیادہ شور کی وجہ سے میچ کو منسوخ کرنے کا کہہ سکتا ہے۔

Facebook Notice for EU! You need to login to view and post FB Comments!