آئندہ 24 گھنٹوں میں موسم کیسا رہے گا

آئندہ 24 گھنٹوں میں موسم کیسا رہے گا،

باغی ٹی وی : پچھلے چند روز میں مسلسل موسم خوشگوار اور بارش ہونے کے بعد اب موسم کیسا رہے گا اس سلسے میں موسم کی تازہ صورت حال کے مطابق اسلام آباد اور گرد و نواح میں گرج چمک اور تیز ہوا کے ساتھ بارش کے بعد موسم خوشگوار ہو گیا۔ ذرائع کے مطابق اسلام آباد کے علاوہ سوات،لوئر دیر،باجوڑ ، مالاکنڈ سمیت دیگر کئی علاقوں میں بھی بارش ہو ئی ہے۔

محکمہ موسمیات کا کہنا ہے کہ آج اسلام آباد، بالائی پنجاب، خیبر پختونخوا،گلگت بلتستان اور کشمیر میں بارش ہو سکتی ہے جبکہ چند مقامات پر ژا لہ باری کا بھی امکان ہے.کراچی میں محکمہ موسمیات نے آئندہ 24 گھنٹوں کے دوران موسم گرم اور مرطوب رہنے کا امکان ظاہر کیا ہے۔

محکمہ موسمیات کے مطابق شہر کا کم سے کم درجہ حرارت 25.5 ڈگری سینٹی گریڈ ریکارڈ کیا گیا جبکہ زیادہ سے زیادہ درجہ حرارت 34 سے 36 ڈگری سینٹی گریڈ کے درمیان بڑھنے کا امکان ہے۔

شہر قائد کی ہوا میں نمی کا تناسب 60 فیصد ہے اور شمال مغرب سے ہلکی ہوائیں چل رہی ہیں۔