fbpx

بھارتی سنگھ نے کامیڈی کے دوران سکھوں کی دل آزاری پر معافی مانگ لی

ممبئی: بھارت کی معروف کامیڈین بھارتی سنگھ نے کامیڈی کے دوران سکھوں کی دل آزاری پر معافی مانگ لی ہے۔

باغی ٹی وی : میڈیارپورٹ کےمطابق خاتون کامیڈین کی ایک پرانی ویڈیو سوشل میڈیا پروائرل ہوئی جس میں وہ داڑھی مونچھوں کے حوالے سے مذاق کرتی نظر آئیں-

اکشے کمارکی نئی آنیوالی فلم کیلئے پچاس ہزار سے زائد ملبوسات اور پانچ سو پگڑیاں تیار کی گئیں؟

سکھ مذہب سے تعلق رکھنے والوں نے داڑھی مونچھوں سے متعلق کامیڈی پر شدید ردعمل دیا، ان کا کہنا ہے کہ خاص انداز میں داڑھی اور مونچھیں رکھنا ہماری پہنچان ہے بھارتی سنگھ نے ہمارا مذاق اڑایا۔

کامیڈین نے اپنا ویڈیو بیان جاری کرتے ہوئے کہا کہ ایک ویڈیو ہے جو بہت وائرل ہو رہا ہے مجھے بھی بھیجا گیا میسج کیا گیا کہ آپ نے داڑھی مونچھوں کا مذاق اڑیا-

اعجاز اسلم کے بیان پر عروہ حسین کا ردعمل

انہوں نے کہا کہ میں نے یہ ویڈیو دو دن سے بار بار دیکھی میں نے کسی خاص دھرم یا مذہب کا مذاق نہیں اڑایا آج کل ہر کوئی داڑھی رکھتا ہے، میں نے کسی کا نام لے کر مذاق نہیں اڑایا، کامیڈی کے دوران بس ایک عام سی بات کی تھی، میں خود بھی پنجابی ہوں، امرتسر میں پیدا ہوئی ہوں کسی کو نشانہ بنانا مقصد نہیں تھا مجھے فخر ہے میں پنجابی ہوں میں پنجاب کا پورا مان رکھوں گی-

ان کا کہنا تھا کہ میں کسی کا دل دکھانے کے لیے نہیں بلکہ خوش کرنے کے لیے کامیڈی کرتی ہوں، اگر میری کسی بات سے دل آزاری ہوئی ہے تو بہن سمجھ کر معاف کر دینا۔

پاکستانی گانے "پسوڑی” پر بھارتی اداکارہ کے ڈانس کے انٹرنیٹ پر چرچے