34 میں سے 31 صوبوں میں رات کا کرفیو :افغانستان سے اہم خبرآگئی

0
32

کابل : 34 میں سے 31 صوبوں میں رات کا کرفیو :افغانستان سے اہم خبرآگئی ،اطلاعات کے مطابق افغان حکومت نے پرتشدد حالات اور طالبان کی سرگرمیوں پر قابو پانےکے لیے ملک کے 34 میں سے 31 صوبوں میں رات کا کرفیو نافذکردیا۔

غیر ملکی خبر ایجنسی کے مطابق وزارت داخلہ نے ایک بیان میں کہا ہےکہ تشدد میں کمی اور طالبان کی سرگرمیاں روکنےکے لیے 31 صوبوں میں رات کا کرفیو نافذ کردیا گیا ہے۔

مقامی وقت کے مطابق کرفیو رات سے لےکر صبح تک رہے گا، اس دوران غیر ضروری طور پر باہر نکلنے پر پابندی ہوگی۔

افغان وزارت داخلہ کے مطابق کابل،ننگرہار اور پنج شیر صوبے رات کےکرفیو سے مستثنٰی ہوں گے۔

دوسری جانب افغان وزارت دفاع نے 24گھنٹوں میں 13صوبوں میں افغان فورسز کے آپریشن میں ،262طالبان جنگجوہلاک کرنے کا دعوٰی کیا ہے۔

دوسری طرف افغان طالبان کا کہنا ہے کہ افغان کٹھ پتلی حکومت جومرضی کرلے ، عوام کوکرفیوکے نام پرخوف زدہ کرلے لیکن اب عوام افغان طالبان کے ساتھ ہیں ، امریکہ زدہ کٹھ پتلی حکمرانوں کے ساتھ نہیں‌

Leave a reply