وزیراعلیٰ بلوچستان جام کمال کےخلاف تحریک عدم اعتماد،یارمحمد رند بھی کود پڑے

0
37

کوئٹہ :وزیراعلیٰ بلوچستان جام کمال کےخلاف تحریک عدم اعتماد،یارمحمد رند بھی کود پڑے،اطلاعات کے مطابق پارلیمانی سربراہ پاکستان تحریک انصاف بلوچستان سردار یار محمد رند کی زیر صدارت پاکستان تحریک انصاف پارلیمانی کمیٹی کا اجلاس ہوا

آج کے اس اہم اجلاس میں پارلیمانی سربراہ پاکستان تحریک انصاف سردار رند نے اراکین اسمبلی کے اعزاز میں ظہرانہ دیا

اجلاس میں ڈپٹی پارلیمانی لیڈر میر نصیب اللہ مری ، نوابزادہ میر نعمت اللہ زہری ، ڈپٹی اسپیکر سردار بابر موسی خیل ، صوبائی وزیر میر عمر جمالی ، ایم پی اے مبین خلجی ، ایم پی اے بی بی فریدہ شریک

اجلاس میں موجودہ سیاسی صورتحال پر طویل تبادلہ خیال ہوا اورپھراجلاس میں تمام اراکین اسمبلی سے تفصیلی مشاورت و گفتگو بھی ہوئی

اجلاس میں متفقہ فیصلہ ھوا کہ بلوچستان عوامی پارٹی مرکز اور صوبے میں ہماری اتحادی جماعت ھے ، بلوچستان عوامی پارٹی کی اکثریت جو فیصلہ کریں گی اس کے بعد ہم دوبارہ مل کر ہم ان کے ساتھ مذاکرات کریں گے کیونکہ بلوچستان عوامی پارٹی صوبے میں اکثریتی جماعت اور ہماری اتحادی ھے

ہم یہ امید کرتے ھیں کہ بلوچستان عوامی پارٹی کے اراکین بلوچستان کی موجودہ صورتحال کو دیکھتے ھوئے کوئی مثبت فیصلہ کریں گے تاکہ بلوچستان میں موجودہ سیاسی صورتحال کی کشمکش کو ختم کیا جاسکے

Leave a reply