آسکرز 2021:فلم "نومیڈ لینڈ” نے بہترین اداکارہ سمیت 6 ایوارڈز اپنے نام کیے

0
29

لاس انجلس: فلمی دنیا کے سب سے بڑے ایوارڈ آسکرز کے فاتحین کا اعلان کردیا گیا جس میں فلم ’نومیڈ لینڈ‘ نے بہترین اداکارہ اوربہترین ہدایتکارسمیت چھ ایوارڈز اپنے نام کیے۔

باغی ٹی وی : لاس انجلس میں سجا 93 ویں آسکر ایوارڈز کا میلہ جہاں ریڈ کارپٹ پرستاروں نے خوب جلوے بکھیرے کورونا کے باعث اس بار تقریب ڈولبی تھئیٹر کی بجائے کھلے مقام پرمنعقد کی گئی۔

تقریب میں فلم نومیڈ لینڈ نے بہترین فلم کا اعزاز اپنے نام کیا جب کہ نومیڈ لینڈ بہترین اداکارہ اور بہترین ہدایت کار سمیت 6 ایوارڈز اپنے نام کرنے میں کامیاب رہی۔

ومیڈ لینڈ میں اپنی پرفارمنس سے سب کے دل جیتنے والی فرانسس ایم سی ڈورمیڈ بہترین اداکارہ قرار پائیں، فرانسس ایم سی کو بہترین اداکارہ کا اعزاز فلم نومیڈ لینڈ میں بہترین اداکاری پر دیا گیا جبکہ انتھونی ہاپکنز کو فلم دی فادر میں شاندار اداکاری کرنے پر بہترین اداکار کا ایوارڈ دیا گیا۔

علاوہ ازیں چینی نژاد کلوئی زاؤکو فلم نومیڈ لینڈ میں بہترین ہدایتکاری کے ایوارڈ سے نوازا گیا۔

ادھرفلم “سول” نے بہترین اینیمیٹڈ فلم کا ایوارڈ حاصل کیا جبکہ ٹی وی سیریزکے سب سے زیادہ ایوارڈز نیٹ فلیکس کی مختلف سیریزکے حصے میں آئے۔

Leave a reply