ن لیگ کے نئے عہدیداروں میں مفرور بھی شامل، شہباز گل کا دعویٰ

وزیر اعلیٰ پنجاب کے ترجمان شہباز گل نے کہا ہے کہ ن لیگ کے نئے عہدیداروں میں کچھ مفروراور کچھ نیب میں پیشیاں بھگت رہے ہیں

باغی ٹی وی کی رپورٹ کے مطابق شہباز گل نے کہا کہ ن لیگ کی سیاست دن بدن ختم ہوتی جا رہی ہے ،سیاسی اکھاڑے میں اسٹیٹس ک وکی جماعتوں کا مستقبل تاریک ہے ،انہوں نے کہا کہ سب کو واضح نظرآرہا ہے کہ ن لیگ قیادت کے بحران کا شکار ہے، شہباز گل نے مزید کہا کہ لوٹ مار کرنے والوں کو لوٹ مار کا حساب دینا ہوگا.

واضح رہے کہ مسلم لیگ نون نے اپنے نئے عہدیداروں کا اعلان کیا ہے ،احسن اقبال کو سیکرٹری جنرل اور شاہد خاقان عباسی کو سینئر نائب صدر بنایا گیا ہے مریم نواز ،عابد شیر علی، سردار ایاز صادق، برجیس طاہر، درشن لال، حمزہ شہباز، خواجہ سعد رفیق، خرم دستگیر، میاں جاوید لطیف، محمد زبیر، مشاہد اللہ خان، نیلسن عظیم، پرویز رشید، راحیلہ درانی، رانا تنویر اور سردار مہتاب احمد خان نائب صدور ہونگے۔

جواب چھوڑیں

آپ کا ای میل ایڈریس شائع نہیں کیا جائے گا.