ن لیگ کا بھی لانگ مارچ کا اعلان، مریم نواز کریں گی قیادت،ہدایات جاری

باغی ٹی وی کی رپورٹ کے مطابق مسلم لیگ ن کی رہنما مریم نواز نے بھی میدان سجانے کا فیصلہ کر لیا،

مریم نواز جلسوں سے خطاب کریں گی، مریم نواز کے جلسوں کے شیڈول کو حتمی شکل دے دی گئی ہے، ن لیگی رہنما نواز شریف کی ہدایت پر ملک گیر جلسے کریں گی، مریم نواز جلسوں میں پارٹی کا پیغام پہنچائیں گی، ن لیگی نائب صدر مریم نواز 22 مارچ کو سوات میں جلسے سے خطا ب کریں گی مریم نواز پی ڈی ایم لانگ مارچ پر نکلنے سے پہلے لاہور سے ریلی کی قیادت کریں گی.لاہور شہر میں ن لیگ کی جانب سے ریلی نکالی جائے گی جس کے لیے اراکین اسمبلی کو ٹاسک دے دیا گیا ہے، بعد ازاں ن لیگی کارکنان لانگ مارچ میں بھی شریک ہوں گے، مسلم لیگ ننے لانگ مارچ 24 مارچ کو لاہور سے شروع کرنے کا فیصلہ کیا ہے مسلم لیگ ن نے ملک کےچاروں صوبوں میں رابطہ عوامی مہم شروع کرنے کا فیصلہ کیا ہے کراچی اور کوئٹہ میں بھی جلسے کیے جانے کا قوی امکان ہے ، پشاور میں بھی ن لیگ کی جانب سے جلسہ کیا جائے گا، مریم نواز تمام جلسوں میں خطاب کریں گی

24 مارچ 2022 ءکو میاں حمزہ شہباز شریف اور مریم نواز شریف کی قیادت میں لانگ مارچ کے لئے کاروان لاہور سے اسلام آباد کی طرف روانہ ہوگا اور رات کو گجرانوالہ میں قیام کرے گا ۔ 25 مارچ 2022ء کی صبح یہ کاروان گجرانوالہ سے اسلام آباد کی طرف روانہ ہوگا اور رات کوجہلم میں قیام کرے گا 26 مارچ کو کارواں چلے گا اور پنڈی میں قیام کرے گا،27 مارچ کو اسلام آباد پہنچے گا اور مین لانگ مارچ میں شریک ہو گا، کہا گیا ہے کہ اسلام آباد میں دو دن یا اس سے زیادہ بھی لگ سکتے ہیں اسلئے تمام اضلاع تیاری کر کے آئیں

ن لیگ کی جانب سے جاری اعلامیہ میں ہدایت کی گئی ہے کہ ڈویژنل صدر، جنرل سیکریٹریز 20 مارچ کو ڈویژن اور ضلعی عہدیداروں کے اجلاس میں لانگ مارچ کی تیاریوں کو حتمی شکل دیں صوبائی حلقوں کے صدر اور جنرل سیکریٹریز 21 مارچ تک صوبے اور یونین کونسلز کی تنظیموں کے ساتھ مارچ کی تیاریوں کے اجلاس کریں مسلم لیگ (ن) پنجاب کے جنرل سیکریٹری سردار اویس خان لغاری کے دستخطوں سے جاری شدہ سرکلر میں کاروان میں بھرپور شرکت کی ہدایت کی گئی ہے، سرگودھا، بہاولپور، ملتان اور ڈی جی خان ڈویژن کے عہدیدار اور کارکن26 مارچ کو راولپنڈی میں قائدین کے کاروان میں شامل ہوجائیں گے

واضح رہے کہ تحریک اںصاف کے باغی اراکین سامنے آ چکے ہیں اور انہوں نے سندھ ہاؤس میں رہائش اختیار کر رکھی ہے، سندھ ہاؤس میں میڈیا کو دیئے گئے انٹرویوز میں تحریک انصاف کے اراکین قومی اسمبلی کا کہنا تھا کہ وہ اپنے ضمیر کے مطابق ووٹ دیں گے کسی کا کوئی دباؤ نہیں اور نہ ہی پیسے لئے ہیں، تحریک انصاف کے باغی اراکین سامنے آنے کے بعد وزیراعظم عمران خان نے بھی سر جوڑ لیا ہے اور فوری اجلاس بلایا جس میں شیخ رشید نے انہیں گورنر راج سندھ میں نافذ کرنے کا مشورہ دیا، تا ہم ابھی تک اجلاس جاری ہے اور کوئی بھی فیصلہ متوقع ہے

دوسری جانب تحریک انصاف کے منحرف اراکین کی سندھ ہاؤس میں تعداد 12 نہیں بلکہ 24 ہے اس بات کا انکشاف راجہ ریاض نے نجی ٹی وی سے انٹرویو میں کیا، راجہ ریاض کا کہنا تھا کہ سندھ ہاؤس میں 24 اراکین ہیں جن کاتعلق پی ٹی آئی سے ہے، مزید اراکین بھی آنے کو تیار ہیں،اراکین ضمیر کے مطابق فیصلہ کریں گے ان پر کسی کا کوئی دباؤ نہیں ہے،خان صاحب سے اختلاف ہے اس لیے ہم نے ضمیر کے مطابق فیصلہ کیا ہے مسلم لیگ (ن) انہیں ایڈجسٹ نہیں کرپارہی ہمیں گھوڑے اور خچر کہا جارہا ہے ان سے اچھائی کی کیا امید ہے،

واضح رہے کہ اپوزیشن نے وزیراعظم عمران خان کے خلاف تحریک عدم اعتماد جمع کروا رکھی ہے،تحریک عدم اعتماد پر ووٹنگ 28 مارچ کو ہو گی، 27 مارچ کو ڈی چوک پر تحریک انصاف نے جلسے کا اعلان کر رکھا ہے جس سے وزیراعظم عمران خان خطاب کریں گے جبکہ 25 مارچ کو اپوزیشن اتحاد نے بھی اپنے کارکنان کو ڈی چوک پہنچنے کا کہہ دیا ہے،مولانا فضل الرحمان کا کہنا تھا کہ ڈی چوک 25 مارچ کو پہنچیں گے اور کب تک وہاں بیٹھنا ہے اسکا فیصلہ اسی روز کریں گے،

پارلیمنٹ لاجز کے کمروں میں کیا کرتے ہو،مجھے سب پتہ ہے، مولانا فضل الرحمان

عمران خان نے رابطہ کیا تو مولانا کیا ردعمل دیں گے؟ مولانا فضل الرحمان کا تہلکہ خیز انٹرویو

لندن سے بانی متحدہ کو لاسکتا ہوں اور نہ ہی نوازشریف کو،شیخ رشید کی بے بسی

بھٹو کو پھانسی ہوئی تو کچھ نہیں ہوا،یہ لوگ بھٹو سے بڑے لیڈر نہیں، شیخ رشید

شیخ رشید یاد کرو وہ وقت…مونس الہیٰ نے کھری کھری سنا دیں

پارٹی سے بیوفائی کرنیوالوں کو غدارلکھ کر پوسٹرز لگائیں گے،شہباز گل

عمران خان لوگوں کی بجائے اپنے ایم این ایز کو اکٹھا کریں،خواجہ سعد رفیق کا چیلنج

آنے والے دن پاکستان کے مستقبل کیلئے فیصلہ کن دن ہیں، وزیراعظم

الیکشن کمیشن کا نوٹس، وزیراعظم عدالت پہنچ گئے

سپریم کورٹ بار نے تصادم روکنے کی آئینی درخواست دائر کردی

چودھری برادران کی جانب سے 25 مارچ تک مہلت مانگی گئی ہے،اہم شخصیت کا انکشاف

ٹائیگر فورس سندھ ہاؤس پر حملے کی تیاری کررہی ہے، پی پی اراکین اسمبلی کا انکشاف