fbpx

شمالی کوریا کی رکنیت معطل :کس نے کیوں اورکب تک کی؟اہم تفصیلات آگئیں

لوزان: شمالی کوریا کی رکنیت معطل :کس نے کیوں اورکب تک کی؟اہم تفصیلات آگئیں ،اطلاعات کے مطابق انٹرنیشنل اولمپک کمیٹی (آئی او سی ) نے ٹوکیو اولمپکس میں شرکت نہ کرنے پر شمالی کوریا کی رُکنیت معطل کردی۔

غیر ملکی خبر رساں ادارے کے مطابق ،انٹرنیشنل اولمپک کمیٹی کے سربراہ تھامس باخ کا کہنا ہے کہ ٹوکیو اولمپکس میں شرکت نہ کرنے کی وجہ سے شمالی کوریا کی رُکنیت معطل کردی گئی ہے۔

آئی او سی کا کہنا ہے کہ شمالی کوریا کی آئی او سی سے معطلی 2022 کے آخر تک برقرار رہے گی ۔

خیال رہے کہ شمالی کوریا نے کورونا کی صورتحال کے سبب اپنے ایتھلیٹس اولمپکس میں نہیں بھیجے تھے۔ شمالی کوریا نے کہا تھا کہ وہ کورونا وائرس کی وبا کی وجہ سے ٹوکیو اولمپکس میں حصہ نہیں لے گا۔

شمالی کوریا کی وزارت کھیل کے زیر انتظام چلائی جانے والی ایک ویب سائٹ نے بتایا تھا کہ یہ فیصلہ 25 مارچ کو قومی اولمپک کمیٹی کے اجلاس کے دوران کیا گیا جس میں کھلاڑیوں کو کورونا وائرس کی وجہ سے عالمی سطح پر صحت عامہ کے بحران سے بچانے کو ترجیح دی گئی۔

دوسری طرف شمالی کوریا نے انٹرنیشنل اولمپک کمیٹی کے اس فیصلے کی مذمت کی ہے اور کہا ہے کہ ان کے ہان اس فیصلے کی کوئی اہمیت نہیں‌ہے