fbpx

مقبوضہ جموں وکشمیر:آج پھر ایک بھارتی فوجی نے خودکشی کرلی

جموں :مقبوضہ جموں وکشمیر:آج پھر ایک بھارتی فوجی نے خودکشی کرلی،اطلاعات کے مطابق غیر قانونی طور پربھارت کے زیر قبضہ جموں و کشمیرمیں اتوار کے روز ضلع راجوری میں ایک بھارتی فوجی نے اپنی سروس رائفل سے خودکو گولی مارکر اپنی زندگی کا خاتمہ کردیا۔

کشمیرمیڈیا سروس کے مطابق بھارتی فوج کی ایلیٹ فورس سے تعلق رکھنے والے فوجی اہلکار این کے دیپک سنگھ نے ضلع راجوری میں اپنے یونٹ میں AK-47 رائفل سے اپنے آپ پر گولی چلا کر خودکشی کرلی۔

ایک سینئرپولیس افسر نے واقعے کی تصدیق کرتے ہوئے صحافیوں کو بتایا کہ خودکشی کی وجہ معلوم کرنے کے لئے تحقیقات شروع کر دی گئی ہیں۔ انہوں نے کہاکہ فوری طور پر یہ معلوم نہیں ہو سکا کہ فوجی اہلکارنے یہ انتہائی قدم کیوں اٹھایا۔

یاد رہے کہ اس واقعے سے جنوری 2007مقبوضہ جموں وکشمیر میں خودکشی کرنے والے فوجیوں اورپولیس اہلکاروں کی تعداد بڑھ کر 521ہوگئی ہے۔

ادھر بھارتی فوجی حکام نے کہا ہے کہ اکثربھارتی فوجی اس وقت سخت ذہنی دباو کا شکار ہیں اورماہرین نفسیات کا کہنا ہے کہ اگربھارتی فوج کے اندرباہمی چپقلش اورامتیازی سلوک کو نہ روکا گیا توپھرفوجیوں کوخودکشیوں سے کوئی نہیں روک سکے گا