مقبوضہ کشمیر:بھارتی فوج پرکشمیریوں کےحملےمیں افسرسمیت 4 اہلکارہلاک،جھڑپ جاری

0
20

سری نگر:مقبوضہ کشمیر:بھارتی فوج پرکشمیریوں کےحملےمیں افسرسمیت 4 اہلکارہلاک،جھڑپ جاری ،اطلاعات کے مطابق مقبوضہ کشمیر کے ضلع کپواڑہ میں بھارتی فوجی قافلے پر حملے میں 4 اہلکار ہلاک ہوگئے۔یہ بھی اطلاعات ہیں کہ کشمیری مجاہدین اوربھارتی فوج کے درمیان ابھی جھڑپ جاری ہے

کشمیر میڈیا سروس کے مطابق بھارتی فوج پر حملہ ضلع کپواڑہ میں کیاگیا جس کے نتیجے میں ایک بھارتی فوجی افسر سمیت 4 بھارتی فوجی مارے گئے۔دوسری جانب قابض بھارتی فورسز نے ضلع کپواڑہ ہی میں محاصرے کی آڑ میں مزید 3 کشمیری نوجوانوں کو شہید کردیا۔

رپورٹ کے مطابق بھارتی فوج کی جانب سے کپواڑہ کے مختلف علاقوں کا محاصرہ اور سرچ آپریشن جاری ہے۔جبکہ دیگرآزاد ذرائع سے موصول ہونے والی خبروں میں بتایا گیا ہےکہ بھارتی فوج کوبہت زیادہ جانی نقصان ہوا ہے جسے بھارتی فوج چھپا رہی ہے

واضح رہے کہ مقبوضہ کشمیرمیں بھارتی فوج کے ظلم و بربریت اور ریاستی دہشت گردی کا سلسلہ جاری ہے اور قابض افواج کی جانب سے آئے روز بے گناہ کشمیری نوجوانوں کو شہید کیا جارہا ہے۔

Leave a reply