مقبوضہ کشمیر پاکستان کا حصہ : عمران خان کے اس اقدام سے ہمیں بہت تکلیف ہوئی ہے ، بھارت کا ردعمل آگیا

0
41

نئی دہلی:مقبوضہ کشمیر پاکستان کا حصہ : عمران خان کے اس اقدام سے ہمیں بہت تکلیف ہوئی ہے ، بھارت کا ردعمل آگیا،اطلاعات کےمطابق بھارت نے پاکستان کی جانب سے نئے نقشے میں مقبوضہ کشمیر کو شامل کرنے پر شدید رد عمل کا اظہار کرتے ہوئے کہا ہے کہ اس کی قانونی حیثیت ہے نہ عالمی ساکھ،

بھارتی میڈیا کے مطابق انڈین وزارت خارجہ نے اپنے ایک بیان میں کہا ہے کہ وزیراعظم عمران خان کی جانب سے مقبوضہ کشمیر اور گجرات کے کچھ علاقوں کو نئے پاکستانی نقشے میں شامل کرنے کی کوئی قانونی حیثیت نہیں ہے ، ان کے مطابق یہ ایک ”نام نہاد“ سیاسی نقشہ ہے ، اس کی قانونی حیثیت ہے اور نہ ہی عالمی برادری میں اس کی کوئی ساکھ ہے۔

بھارتی میڈیا کا کہنا ہےکہ وزیراعظم پاکستان کی طرف سے مقبوضہ کشمیرکوپاکستان کا حصہ دکھانے کے اقدام سے بھارت کوبہت زیادہ تکلیف پہنچی ہے، یہ بھی کہا جارہا ہےکہ بھارتی حکومت وزیراعظم عمران خان کی کشمیرحکمت عملی سے بہت زیادہ خوف زدہ ہے

دریں اثناءپاکستانی وزارت خارجہ نے پاکستان کی طرف سے جاری کیے گئے سیاسی نقشے پر بھارتی وزارت خارجہ کے بیان کو واضح طور پر مسترد کرتے ہوئے کہا ہے کہ بھارت زبردستی توسیع پسندی اور ریاستی دہشتگردی کے ساتھ ڈھٹائی کا مظاہرہ کرنے والا ملک ہے،

بھارت ایسے بیانات سے مقبوضہ جموں و کشمیر میں اپنی غیر قانونی اور ناقابل قبول کارروائیوں سے توجہ نہیں ہٹاسکتا ، جس میں 5 اگست 2019 کے بعد کی گئی کارروائیاں بھی شامل ہیں۔

ترجمان دفتر خارجہ عائشہ فاروقی کی طرف سے جاری بیان میں کہا گیا ہے کہ ہندوستان دوسروں کے خلاف الزامات لگانے والا ایک ایسا ملک ہے جو زبردستی توسیع پسندی اور ریاستی دہشتگردی کے ساتھ ڈھٹائی کا مظاہرہ کرنے والا ملک ہے۔

Leave a reply