اوچ شریف:قومی شاہراہ پر ٹریلر اور موٹر سائیکل میں تصادم،2 خواتین سمیت 3 جاں بحق

اوچ شریف باغی ٹی وی (نامہ نگار حبیب خان)اوچ شریف کے نواحی علاقہ چنی گوٹھ میں قومی شاہراہ پر ٹریلر اور موٹر سائیکل کے درمیان تصادم ہوا ہے جس کے نتیجہ میں دو خواتین اور ایک مرد موقع پر جاں بحق ہوگئے ہیں، ریسکیو اہلکار جاۓ حادثہ پر پہنچ گئے ہیں،

تفصیلات کے مطابق اوچ شریف کے نواحی علاقے چنی گوٹھ قومی شاہراہ پر صادق دوست پمپ کے قریب ٹریلراورموٹر سائیکل کے درمیان تصادم ہوا ہے جس کے نتیجہ میں دو خواتین اور ایک مرد موقع پر جاں بحق ہوگئے ہیں، ریسکیو اہلکار جاۓ حادثہ پر پہنچ گئے ہیں، ریسکیو ذرائع کے مطابق ایک موٹر سائیکل پر تین افراد سوار جارہے تھے۔

موٹر سائیکل سوار 22 ویلر ٹریلر کے پیچھے سردی سے بچنے کا شیلٹر لے رہا تھا، موٹر سائیکل کے پیچھے ایک اور 22 ویلر ٹرالر آگیا، جو کہ مبینہ تیز رفتاری کے باعث بریک فیل ہونے کی وجہ سے موٹر سائیکل سواروں پر چڑھ گیا اور تینوں سوار ہیڈ کرش ہونے کی وجہ سے موقع پر ہی جاں بحق ہو گئے،

جاں بحق ہونے والوں میں دو خواتین ایک مرد شامل ہے حادثہ میں جاں بحق افراد کی شناخت اللہ جوایا اور کلثوم بی بی، نسرین بی بی کے نام سے ہوئی ہے ، تینوں ڈیڈ باڈیز کو آر ایچ سی چنی گوٹھ شفٹ کر دیا گیا ہے