اوکاڑہ ، باغی ٹی وی( نامہ نگار ملک ظفر)اوکاڑہ میں سیاسی پارہ ہائی، انٹرا پارٹی اختلافات بھی سامنے آنے لگے پیپلز پارٹی اوکاڑہ کی قیادت دودھڑوں میں تقسیم ہوگئی ہے بلاول بھٹو کا کارکنان سے خطاب سننے کے لیے بھی الگ الگ جگہ کا اعلان کردیاگیا تحصیل جنرل سیکرٹری راو رفیق ساجدکی جانب سے ضلعی صدر سجاد الحسن پر دوران پریس کانفرنس سنگین الزامات
تفصیلات کے مطابق ان دنوں ہر پارٹی جنرل الیکشن کے لیے جوڑ توڑ اور کمپین بھی شروع کرچکی جبکہ کارنر میٹنگ کا سلسلہ بھی جاری ہے دوسری جانب پاکستان پیپلز پارٹی اوکاڑہ میں انٹرا پارٹی اختلافات سامنے آگئے پارٹی دو دھڑوں میں تقسیم ہوچکی ہے تحصیل اوکاڑہ کے جنرل سکریٹری اور سابقہ ایم پی اے کے ٹکٹ ہولڈر راو رفیق ساجد نے سینئر رہنماءریاض ناگوری کے ہمراءہنگامی پریس کانفرنس کرتے ہوئے پیپلز پارٹی اوکاڑہ کے ضلعی صدر سابقہ ایم این اے چوہدری سجاد الحسن پر سنگین الزامات لگادئیے
انکا کہناتھاکہ کہ جتنا نقصان پیپلز پارٹی کو ضلعی صدر نے پہنچایا اتناکسی اور نے نہیں پہنچایا ان کا مزید کیا کہنا تھا کہ اگر سیاست سے پیپلز پارٹی کا نام نکال دیاجائے تو ملک میں سیاست ختم ہوجاتی ہے ہمیں زبح بھی کردیاجائے تو تب بھی ہماری روح سے پیپلز پارٹی کی آوازبلند ہوگی
انکا کہناتھاکہ ضلعی صدر سجاد الحسن نے ذاتی مفاد کی خاطر پارٹی کو ناقابل تلافی نقصان پہچایاانکا کہنا تھاکہ ذوالفقار علی بھٹو نے قوم کو حقیقی معنوں میں آئین دیااس لیے شہد ذوالفقار علی بھٹوکی جنگ اب ہمیں مل کرلڑنی ہے اور اگر پیپلز پارٹی کو مکمل اقتدار ملاتو پیپلز پارٹی نئی تاریخ رقم کرئے گی
آصف زرداری مفاہمت کے بادشاہ ہیں اور پیپلز پارٹی کی تاریخ قربانیوں سے لبریز ہے ہمارے حوصلے بلند ہیں اور اگر حکومت ملی تو اوکاڑہ شہر کی ترقی میں ناقابل تسخیر کردار ادا کریںگے۔
