کھدائی کے دوران بدھا کی مورتیاں اور 1840 کے سکے برآمد
ہندوستان کے سابق بادشاہ ابراہیم لودھی کے آبائی گاؤں کوٹلہ لودھیان میں کھدائی کے دوران زمانہ قبل مسیح کی بدھا کی مورتیاں اور 1840 کے زمانہ کے سکے برآمد ہوئے ہیں۔ ریجنل ٹیلی گراف کو دستیاب معلومات کے مطابق گورنمنٹ پرائمری سکول کوٹلہ لودھیان تحصیل پیاز پور ڈسٹرک ڈیرہ اسماعیل خان کے ہیڈ ٹیچر محمد آصف نے بتایا کہ وہ موسم کی شجرکاری کے لئے سکول سے ملحقہ اراضی میں کھدائی کر رہے تھے کہ انہیں زمین کی تہہ سے اشوکا کے عہد کے کچھ نوادرات جن میں مورتیاں اور سکے شامل ہیں اور سنہ 1840 کے انگریز دور کے کچھ نایاب سکے ملے ہیں۔