کل کسی بھی وقت عمرشریف کوامریکا روانہ کردیا جائے گا:ایئرایمبولینس بھی لینڈ کرنےوالی ہے

0
23

کراچی :کل کسی بھی وقت عمرشریف کوامریکا روانہ کردیا جائے گا:ایئرایمبولینس بھی لینڈ کرنےوالی ہے،اطلاعات کے مطابق نامور کامیڈین عمر شریف کو امریکا لے جانے کیلئے ائیر ایمبولینس آج رات 11 بجے کراچی ائیرپورٹ پر لینڈ کرے گی۔ ذرائع کے مطابق روانگی سے پہلے ائیرایمبولینس کی کراچی ائیر پورٹ پر ری فیولنگ ہوگی، عمر شریف کو آغا خان اسپتال سے صبح 4:30 پرکراچی ائیر پورٹ پہنچایا جائےگا۔

ذرائع کا کہنا ہےکہ ائیر ایمبولینس پیرکی صبح 5:30 بجے واشنگٹن امریکا کے لیے روانہ ہو گی جب کہ پرواز کا پہلا اسٹاپ نیوریمبرنگ جرمنی پر ہوگا جس کے بعد اگلے مرحلے میں ائیرایمبولینس کی کیفلاوک آئس لینڈ سے ری فیولنگ ہوگی۔ذرائع کے مطابق آخری مرحلے میں گوس بے کینیڈا میں 2 گھنٹے کا اسٹاپ کرتے ہوئے ائیرایمبولینس امریکا پہنچےگی۔

ذرائع کا کہنا ہے کہ پرواز امریکا کے مقامی وقت کے مطابق سہ پہر 4:30 پر واشنگٹن ڈی سی ائیر پورٹ پر لینڈ کرے گی جس کے بعد شام 5 بجے عمر شریف کو جارج واشنگٹن یونیورسٹی اسپتال منتقل کردیا جائےگا۔ذرائع کے مطابق سول ایوی ایشن اتھارٹی (سی اے اے) کو ائیر ایمبولینس کی آمد اور روانگی کی درخواست موصول ہوچکی ہے۔

واضح رہے کہ سی اے اے کا شعبہ ائیرٹرانسپورٹ باقاعدہ نوٹیفیکشن کے تحت ائیر ایمبولینس کو اجازت دے چکا ہے۔اس کے علاوہ عمر شریف کی بیرون ملک منتقلی کے لیے سی اے اے حکام کی جانب سے تمام تیاریوں کو حتمی شکل دے کر ضروری ہدایات جاری کردی گئی ہیں۔

Leave a reply