14 اگست کو مساجد پر قومی پرچم، ملک کا آرمی چیف دینی مدرسے کا فارغ التحصیل ہونا چاہیے ، یہ کس نے کہا ؟ باخبررہئیے


لاہور: مساجد مدارس پر قومی پرچم لہرانے کے حوالے سے مولانا طاہر اشرفی نے سب کو حیران کردیا . پاکستان علماء کونسل کے چیئرمین حافظ طاہر اشرفی نے کہا ہے کہ موجودہ حکومت نے مدارس اور جامعات کو وزارت تعلیم سے منسلک کیا، 14اگست کو مساجد کی چھتوں پر قومی پرچم لہرایا جائیگا۔

الحمراء ہال میں استحکام پاکستان کانفرنس سے خطاب کرتے ہوئے حافظ طاہر اشرفی نے کہا کہ پاکستان کا آئین تمام اقلیتوں کے حقوق کا محافظ ہے، انہوں نے کہا کہ شرانگیز اور نفرت انگیز کتابوں اور لٹریچر پر پابندی لگانی چاہیے۔


چیئرمین علماء کونسل نے کہا کہ امریکا کی طرف سے مذہبی آزادی کے نام پر پاکستان کو واچ لسٹ میں رکھنا مسترد کرتےہیں، مسئلہ کشمیر کو عمران خان نےعالمی سطح پر اُٹھایا ہے۔ سعودی حکومت نے روڈ ٹو مکہ پروگرام شروع کیا، جس پر اس کا شکریہ ادا کرتے ہیں۔

تفصیلات کے مطابق حافظ طاہراشرفی نے کہا کہ حکومت اور آرمی چیف نے دینی مدارس کو وزارت تعلیم سے منسلک کیا، صرف مدارس ہی نہیں پورے ملک میں ایک نصاب ہونا چاہیے۔

حافظ طاہراشرفی نے مزید کہا کہ علما کرام سے ملاقات میں آرمی چیف نے کہا ان کی خواہش ہے کہ کبھی ملک کا آرمی چیف دینی مدرسے کا فارغ التحصیل ہو، اپنی گفتگو میںحافظ طاہر اشرفی نے کہا کہ پاک فوج نہ ہوتی تو آج ہمارا حال بھی لیبیا اور عراق جیسا ہوتا۔

جواب چھوڑیں

آپ کا ای میل ایڈریس شائع نہیں کیا جائے گا.