fbpx

بلاول بھٹو کی حلف کے ساتھ ہی صدر مملکت سے ون آن ون ملاقات:کیا ہوئی راز کی بات؟

اسلام آباد:بلاول بھٹو کی حلف کے ساتھ ہی صدر مملکت سے ون آن ون ملاقات:کیا ہوئی راز کی بات؟اطلاعات کے مطابق بلاول بھٹو کے وفاقی وزیر کے حلف کے ساتھ ہی صدر مملکت سے ون آن ون ملاقات نے صحافیوں کو بھی حیران کردیا

بلاول بھٹو زرداری کے وفاقی وزیر کے حلف کے ساتھ ہی صدر مملکت ڈاکٹر عارف علوی سے ون آن ون ملاقات ہوئی ہے۔

تفصیلات کے مطابق دونوں رہنماؤں کے درمیان آدھے گھنٹے سے زائد ملاقات رہی، ذرائع کا کہنا ہے کہ ملاقات میں مجموعی سیاسی صورتحال سمیت دیگر امور زیر بحث آئے۔

صدر مملکت کی جانب سے بلاول بھٹو زرداری کو وفاقی وزیر کا عہدہ ملنے پر مبارکباد دی گئی، بلاول بھٹو زرداری ملاقات کے ساتھ ہی ایوان صدر سے رخصت ہوگئے۔

صدر مملکت سے صحافی نے سوال کیا کہ جناب صدر ملاقات میں کونسے امور زیر بحث آئے؟ صدر مملکت بغیر جواب دیئے مسکراتے ہوئے چلے گئے۔

صحافی نے کہا کہ جناب صدر دو منٹس صحافیوں کو بھی دیدیں، صدر مملکت مسکراہٹ کے ساتھ ہی آگے کی جانب روانہ ہوگئے۔

واضح رہے کہ بلاول بھٹو نے بطورِ وزیر خارجہ حلف اٹھا لیا ہے۔

ایوان صدر اسلام آباد میں حلف برداری کی تقریب کا انعقاد ہوا جس میں صدر مملکت عارف علوی نے چیئر مین پیپلز پارٹی بلاول بھٹو سے حلف لیا۔

وزیر اعظم شہباز شریف ، سابق صدر آصف علی زرداری سمیت وفاقی کابینہ کے اراکین اور پیپلز پارٹی کے رہنما حلف برداری کی تقریب میں شریک تھے۔

اس کے علاوہ چیئرمین بلاول بھٹو زرداری کی حلف برداری کی تقریب میں شہید محترمہ بے نظیر بھٹو کی بہن محترمہ صنم بھٹو نےخصوصی شرکت کی۔خیال رہے کہ بلاول بھٹو زرداری پاکستان کے 33 سال کے کم عمر وزیر خارجہ بن گئے ہیں۔

فارن فنڈنگ کیس،باہر سے پیسہ آیا ہے لیکن وہ ممنوعہ ذرائع سے نہیں آیا،پی ٹی آئی وکیل

فارن فنڈنگ کیس کا فیصلہ 30 روزمیں کرنے کا حکم اسلام آباد ہائیکورٹ میں چیلنج

فارن فنڈنگ کیس، فیصلہ 30 روز میں کرنے کے فیصلے کیخلاف اپیل سماعت کیلئے مقرر

فارن فنڈنگ کیس میں بھی عمران خان کو اب سازش نظر آ گئی، اکبر ایس بابر