fbpx

پٹرولیم مصنوعات کی قیمتیں کم ہونے کا امکان: اوپیک پلس ممالک تیل کی پیداوار بڑھانےکے معاہدے پر متفق

ویانا:پٹرولیم مصنوعات کی قیمتیں کم ہونے کا امکان: اوپیک پلس ممالک تیل کی پیداوار بڑھانےکے معاہدے پر متفق،اطلاعات کے مطابق پیٹرولیم برآمد کرنے والے ممالک کی تنظیم اوپیک پلس کے رکن ممالک تیل کی پیداوار بڑھانےکے معاہدے پر متفق ہوگئے ۔

برطانوی خبر ایجنسی کے مطابق تیل کی پیدوار میں اضافے سے متعلق اوپیک پلس ممالک کا ویڈیو لنک اجلاس ویانا میں اوپیک سیکرٹریٹ میں ہوا جس میں رکن ممالک اور اوپیک کے اتحادی ممالک نے تیل کی پیداواربڑھانےکے معاہدے پر اتفاق کرلیا۔

وزیرتوانائی متحدہ عرب امارات نے معاہدے کی تصدیق کرتے ہوئے بتایا کہ اوپیک پلس کے وزرا نے خام تیل کی قیمتوں کو کنٹرول کرنے کے لیے اگست سے پیداوار بڑھانے پر اتفاق کیا ہے۔

خیال رہے کہ اس سے قبل جولائی کے اوائل میں اس سلسلے میں ہونے والے مذاکرات ناکام ہو گئے تھے جس میں متحدہ عرب امارات اور سعودی عرب تیل کی پیداوار بڑھانے سے متعلق شرائط پر متفق نہ ہوسکے تھے جس کی وجہ سے مذاکرات بےنتیجہ رہے۔