تلہ گنگ،باغی ٹی وی(شوکت علی ملک سے)ڈی پی او چکوال لیفٹیننٹ (ر) احمد محی الدین کی تھانہ ٹمن میں "کھلی کچہری” کے اثرات سامنے آنا شروع ہوگئے ہیں، جس کے نتیجے میں پولیس نے اہم کاروائیاں کی ہیں۔
گزشتہ روز ڈی پی او چکوال کی ہدایت پر تھانہ ٹمن کی پولیس نے متحرک ہوکر ڈی ایس پی تلہ گنگ کی سربراہی میں پہلی کامیاب کارروائی کی۔ اس کارروائی میں ایس ایچ او تھانہ ٹمن ضمیر حسین نے پولیس کی نفری کے ہمراہ ملتان خورد میں قبضہ مافیا سے اراضی واگزار کرائی۔
اس کے علاوہ، درخواست گزار بیوہ کی شکایت پر اس کی بیٹی کے چوری شدہ جہیز کا سامان بھی برآمد کرلیا گیا۔ موٹر سائیکل چوری کی برآمدگی کے لیے بھی پولیس کی تفتیش جاری ہے اور جلد بڑی کامیابی کی توقع ہے۔
اہلیانِ علاقہ نے ڈی پی او چکوال کی ہدایت پر تھانہ ٹمن پولیس کی کاروائیوں پر اظہارِ اطمینان کیا اور ان کی کوششوں کو سراہا۔
