گوجرانوالہ جلسہ،اپوزیشن کے سرگرم کارکنان کی ممکنہ گرفتاری کیلئے مرتب فہرست باغی ٹی وی نے حاصل کر لی

0
40

باغی ٹی وی کی رپورٹ کے مطابق حکومت مخالف اتحاد پی ڈی ایم کے گوجرانوالہ میں جلسہ سے قبل انتظامیہ نے گرفتاریوں کے لئے کارکنان کی فہرستیں مرتب کر لیں

انتظامیہ کی جانب سے مرتب کی گئی فہرست باغی ٹی وی نے حاصل کر لی،نون لیگ سمیت پی پی، جے یو آئی کے کارکنوں کو گرفتار کرنے کی تیاریاں جاری ہیں لودھراں دنیاپور اور کہرروڑپکا کے کارکنوں کو گرفتار کرنے کے حوالے سے لسٹ بھی جاری کی گئی ہے، انتظامیہ کی جانب سے ممکنہ طور پر گرفتاریاں کی جا سکتی ہیں

دوسری جانب گوجرانوالہ میں کورونا ایس او پیز کی خلاف ورزی پر ن لیگیوں پر دو ایف آئی آر درج کر لی گئی ہیں کئی کارکنان گرفتار بھی کر لئے گئے ہیں ،ایک ڈیرے سےپولیس کرسیاں اور ساونڈ سسٹم اٹھا کر لے گئی

پیپلز پارٹی کے رہنما قمر زمان کائرہ کا کہنا ہے کہ گوجرانولہ پولیس کل سے جیالوں کو گرفتار کر رہی ہے اور بینرزاتار رہی ہے۔ جیالے بخوبی أگاہ ہیں پولیس گردی سے کیسے نمٹنا ہے۔ پیپلزپارٹی کے بینرز اور فلیکسز اتروانا حکمرانوں کی بزدلانہ کوشش ہے۔

واضح رہے کہ گوجرانوالہ میں جلسہ سے مریم نواز، مولانا فضل الرحمان، بلاول زرداری و دیگر خطاب کریں گے،جلسہ میں تمام جماعتوں کے کارکنان شریک ہوں گے، جلسہ کی میزبانی پیپلز پارٹی کرے گی

جے یو آئی کے سربراہ جلسہ میں شرکت کے لئے لاہور سے ریلی کی قیادت کرتے ہوئے جلسہ گاہ میں جائیں گے، جے یو آئی نے اوکاڑہ، قصور، ساہیوال سمیت قریبی اضلاع سے کارکنان کو لاہور بلا رکھا ہے

Leave a reply