اپوزیشن کا اپنا ”لونگ گواچ“چکا ہے،فردوس عاشق اعوان کا پی ڈی ایم کے لانگ مارچ پر ردعمل

فردوس عاشق اعوان نے پی ڈی ایم کے لانگ مارچ پر ردعمل پیش کرتے ہوئے کہا کہ لانگ مارچ پی ڈی ایم ٹولے کیلئے ایک ڈروانا خواب ثابت ہوگا،اپوزیشن عناصر کا اپنا ”لونگ گواچ“چکا ہے، یہ لانگ مارچ کیا کرینگے- سر سے پاؤ ں تک کرپشن کی دلدل میں دھنسے اس ٹولے کو صرف لوٹی دولت بچانے کی فکر ہے، پی ڈی ایم کرپشن کے مگر مچھوں کا ٹولہ ہے-جعلی راجکماری، سندھ کے شہزادے او رمولانا ایک دوسرے کو زیادہ دیر فریب نہیں دے سکیں گے،پی ڈی ایم تاش کے پتوں کی طرح جلد بکھر جائے گی-

لاہورمیں وزیراعلیٰ پنجاب کی معاون خصوصی برائے اطلاعات ڈاکٹر فردوس عاشق اعوان نے ایک بیان میں کہا ہے کہ لانگ مارچ پی ڈی ایم ٹولے کے لئے ایک ڈروانا خواب ثابت ہوگا-اپوزیشن عناصر کا اپنا ”لونگ گواچ“چکا ہے، یہ لانگ مارچ کیا کریں گے – 26مارچ ابھی دور ہے،لانگ مارچ بھی استعفوں کی طرح ناکام ہی رہے گا- سر سے پاؤ ں تک کرپشن کی دلدل میں دھنسے اس ٹولے کو صرف لوٹی دولت بچانے کی فکر ہے – پی ڈی ایم کرپشن کے مگر مچھوں کا ٹولہ ہے -عوام کرپشن میں لت پت چوروں اور لیٹروں کو پہچان چکے ہیں -لیٹروں، چوروں اور بہروپیوں کا کوئی سیاسی مستقبل نہیں -جعلی راجکماری، سندھ کے شہزادے او رمولانا ایک دوسرے کو زیادہ دیر فریب نہیں دے سکیں گے-پی ڈی ایم تاش کے پتوں کی طرح جلد بکھر جائے گی-وزیراعظم عمران خان کی شفاف سیاست کے سامنے اس ٹولے کی منفی سیاست کا حشر نشر ہو چکا ہے-

جواب چھوڑیں

آپ کا ای میل ایڈریس شائع نہیں کیا جائے گا.