مجھے بتائیں کیا بھارت پر حملہ کر دوں؟ عمران خان نے ایسا کیوں کہا؟ اہم خبر

وزیر اعظم پاکستان عمران خان نے کہا ہے کہ شہبازشریف بتائیں، کیا بھارت پر حملہ کردوں، اپوزیشن لیڈر بتائیں ایسا کون سا اقدام ہے جو ہم نے نہیں اُٹھایا،

باغی ٹی وی کی رپورٹ کے مطابق عمران خان نے یہ بات اپوزیشن لیڈر شہباز شریف کی طرف سے حکومت پر سخت تنقید کے جواب میں کہی، قبل ازیں شہباز شریف نے خطاب کرتے ہوئے کہاکہ آئندہ وزیراعظم کو عمران احمد خان نیازی کہوں گا، خدارا آنکھیں کھولیں،ہوش کے ناخن لیں، مجھے بات کرنی ہے، آپ تو ڈنڈا لے کر میرے پیچھے پڑگئے ہیں، مودی سرکار کے خلاف ایک مضبوط اسٹینڈ لیا جائے، لیڈرشپ کاتقاضایہ ہے کھڑے ہوں اور بتائیں ہم ایک ہیں ، بھرپور مقابلہ کرینگے،

شہباز شریف کی اس گفتگو پر وزیر اعظم عمران خان نے کہاکہ حکومت اس مسئلہ کو ہر فورم پر اٹھائے گی، شہباز شریف بتائیں ایسا کون سا اقدام ہے جو ہم نے نہیں اُٹھایا جس پر شہباز شریف کی جانب سے کہا گیا کہ عمران خان کو میری بات سمجھ نہیں آئی تو میرا قصور نہیں ہے، بعد میں وزیر اعظم عمران خان ایوان سے چلے گئے،

جواب چھوڑیں

آپ کا ای میل ایڈریس شائع نہیں کیا جائے گا.