fbpx

اپوزیشن کی جگہ الیکشن کمیشن آف پاکسستان نے لے لی:حکومت کوٹف ٹائم دینےکا فیصلہ

اسلام آباد :اپوزیشن کی جگہ الیکشن کمیشن آف پاکسستان نے لے لی:حکومت کوٹف ٹائم دینےکا فیصلہ ،اطلاعات کے مطابق اس وقت پاکستان میں حکومت کو کئی محاذوں پرسخت مزاحمت کا سامنا ہے اوراب توصورت حال یہ ہوچکی ہے کہ اپوزیشن کی جگہ الیکشن کمیشن آف پاکستان نے لے لی ہے اور حکومت کو ٹف ٹائم دینے کا فیصلہ کیا ہے ،

اس سلسلے میں یہ معلوم ہوا ہے کہ الیکشن کمیشن آف پاکستان نے وفاقی وزیر برائے اطلاعات فواد چوہدری اور وزیر ریلوے اعظم سواتی کو نوٹس دینے کا فیصلہ کرلیا۔

اعلامیے کے مطابق چیف الیکشن کمشنر سکندر سلطان راجہ کی زیر صدارت الیکشن کمیشن کا اجلاس ہوا جس میں ممبران الیکشن کمیشن نثاردرانی، شاہ محمد جتوئی اوردیگر افسران نے شرکت کی اورحکومتی وزرا اوردیگراہم شخصیات کوسبق سکھانے پراتفاق کیا ہے

الیکشن کمیشن آف پاکستان کے اس اہم اجلاس میں الیکشن کمیشن اور چیف الیکشن کمشنرپرالزام تراشی پر وزیراطلاعات فوادچوہدری اور اعظم سواتی کو نوٹس دینے کا فیصلہ کیا گیا۔

اعلامیے کے مطابق اعظم سواتی کے الیکشن کمیشن پر عائد الزامات پر اُن سے ثبوت مانگنے کا بھی فیصلہ کیا گیا ہے۔
الیکشن کمیشن آف پاکستان کے اعلامیے میں کہا گیا ہے کہ فوادچوہدری نے پریس بریفنگ میں الیکشن کمیشن اور چیف الیکشن کمشنرپرالزام تراشی کی۔

اجلاس میں فیصلہ کیا گیا کہ دونوں وزرا کو نوٹس جاری کیے جائیں تاکہ مزیدکارروائی کی جاسکے۔

خیال رہے کہ گزشتہ دنوں الیکٹرانک ووٹنگ مشین کے معاملے پر سینیٹ قائمہ کمیٹی پارلیمانی امور میں وفاقی وزیر اعظم سواتی نے الیکشن کمیشن پر یلغار کردی تھی اور الزام عائد کیا تھا کہ الیکشن کمیشن حکومت کا مذاق اڑا رہا ہے اس نے پیسے پکڑے ہوئے ہیں۔

اس کے بعد وفاقی وزرا نے بھی پریس کانفرنس کی تھی جس میں بھی الزام تراشی کی گئی تھی۔جس کےبعد الیکیشن کمیشن نے فرنٹ فُٹ پرکھیلنے کا فیصلہ کیا ہے اوراس سلسلے میں حکومت مخالف پی ڈی ایم اوردیگرجماعتوں کی طرف سے الیکشن کمیشن کوحمایت بھی ملنا شروع ہوگئی ہے