اورنگی ٹاؤن میں نالے کے سریوں کی چوری کی کوشش جان لے گئی

کراچی کے علاقے اورنگی ٹاؤن میں چوری کی واردات ایک شخص کی جان لے گئی جبکہ جرم کی کوشش میں مددکرنے والا دوسرا ملزم ناکامی پر اس کو مردہ حالت میں چھوڑ کر فرار ہو گیا۔ذرائع کے مطابق اورنگی ٹاؤن میں اقبال مارکیٹ نالے کے اندر دو افراد سریا چوری کیلئے نالے کے اندر گھسے، دونوں نے نالے کے اندر ہتھوڑے سے سریے نکالنے کی کوشش کی، اس دوران نالے کی چھت دونوں پر گر گئی، جس سے ایک شخص دب گیا۔ایدھی ایمبولینس کو قریب موجود شخص نے نالے میں کسی کے ہونے کی اطلاع دی جب ایدھی رضاکار اندر گئے تو ملبے تلے دبے شخص کو مردہ حالت میں باہرنکالا۔ عینی شاہدین کے مطابق ہلاک شخص کے ساتھ ایک اور شخص بھی موجود تھا تاہم واردات میں ناکامی اور نالے کی چھت گرجانے کے باعث وہ اپنے ساتھی کو مردہ حالت میں چھوڑ کر فرار ہوگیا۔ہلاک ہونے والا شخص قریب کا ہی رہائشی تھااور اہلخانہ نے پولیس کارروائی سے انکار کردیا۔

جواب چھوڑیں

آپ کا ای میل ایڈریس شائع نہیں کیا جائے گا.