اوورسیز پاکستانیوں کو ووٹ کا فوری حق دیا جائے، شہری عدالت پہنچ گیا

اوورسیز پاکستانیوں کو ووٹ کا حق دیا جائے، شہری عدالت پہنچ گیا
اوورسیز پاکستانیوں کو ووٹ کا حق دینے سے متعلق دائر متفرق درخواست پر سماعت ہوئی

لاہور ہائیکورٹ نے وفاقی حکومت اور الیکشن کمیشن سے 14 جون کو جواب طلب کرلیا لاہور ہائیکورٹ کے جسٹس شجاعت علی خان نے شہری کی درخواست پر سماعت کی درخواست گزار کی جانب سے اظہر صدیق ایڈووکیٹ عدالت میں پیش ہوئے درخواست میں وفاقی حکومت ،الیکشن کمیشن سمیت دیگر کو فریق بنایا گیا ہے، درخواست میں عدالت سے استدعا کی گئی ہے کہ اوورسیز پاکستانیوں کو ووٹ کا فوری حق دیا جائے،

دوسری جانب ممبرانفارمیشن کمشنر پنجاب شوکت علی تقرری کیس کی سماعت 23جون تک ملتوی کردی گئی،لاہور ہائیکورٹ نے چیف سیکریٹری پنجاب اور سیکریٹری اطلاعات کو نوٹسزجاری کردیئے لاہورہائیکورٹ نے چیف سیکریٹری پنجاب اور سیکریٹری اطلاعات 7روز میں جواب طلب کر لیا ،لاہور ہائیکورٹ نے ممبر انفارمیشن کمشنر پنجاب کو طلبی کےنوٹس جاری کر دیئے ، وکیل درخواست گزار نے کہا کہ ممبر انفارمیشن کمشنر کی تقرری کا اختیار حکومت پنجاب کو ہے،

پی ٹی وی کے پاس پرانے کیمرے، سپیئر پارٹس نہیں ملتے،قائمہ کمیٹی اجلاس میں انکشاف

پی ٹی وی سپورٹس پر اینکرز کی دس دس گھنٹے کی تنقید ، قائمہ کمیٹی نے تجزیوں کو غیر معیاری قرار دے دیا

فلم پالیسی کو بہت جلد عملی جامہ پہنایا جائے گا، قائمہ کمیٹی تعاون کرے گی: سینیٹر فیصل جاوید

قبل ازیں بیرون ملک پاکستانیوں کو ووٹ کے حق سے محروم کرنے کے خلاف درخواست پر سماعت ہوئی اسلام آباد ہائیکورٹ کے چیف جسٹس اطہر من اللہ نے سماعت کی ،درخواست گزار داؤد غزنوی کی جانب سے وکیل عارف چوہدری پیش ہوئے، عدالت نے کہا کہ جو پہلے ترمیم تھی وہ بھی یہی تھی اب والی ترمیم میں زیادہ وضاحت دی گئی ہے ، اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ لوگ باہر ہیں وہ وہاں سکونت رکھتے ہیں ،دونوں ترامیم ان کے حقوق کو ختم نہیں کر رہیں ، وکیل عارف چودھری نے کہا کہ تیس سال سے یہ کام چل رہا تھا اب یہ کام ہوا ہے ، یہ تو کوئی کہہ نہیں سکتا کہ بیرون ملک پاکستانیوں کو ووٹ کا حق نہیں ،

اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ ایک جواب دے دیں بیرون ملک پاکستانی کس حلقے میں ووٹ دیں گے، عدالت نے سوال کیا کہ کتنے پاکستانی بیرون ملک ہیں ؟ وکیل عارف چودھری نے کہا کہ 9لاکھ لوگ بیرون ملک میں مقیم ہیں ،امریکہ میں مقیم پاکستانی درخواست گزار اسلام آباد ہائیکورٹ میں پیش ہوئے ،عدالت نے استفسار کیا کہ امریکہ میں کیسے ووٹ ڈالے جاتے ہیں وہاں کا کوئی قانون ہو گا ، درخواست گزارنے کہا کہ امریکہ میں ووٹ کے قانون کا مجھے علم نہیں ،عدالت نے کہا کہ بادی النظر میں گزشتہ حکومت کی ترمیم سپریم کورٹ فیصلے کے مطابق نہیں تھی،اب جو ترمیم ہوئی اس میں بیرون ملک پاکستانیوں کا ووٹ کا حق ختم نہیں کیا گیا ،