پاکستان آرچری فیڈریشن کا لاہور میں ہنگامی اجلاس

پاکستان آرچری فیڈریشن کا لاہور میں ہنگامی اجلاس

باغی ٹی وی : پاکستان آرچری فیڈریشن کا لاہور میں ہنگامی اجلاس ہوا جس جنرل کونسل اجلاس میں صدر آرچری فیڈریشن سید عارف حسن پر مکمل اعتماد کا اظہار کیا گیا.

فیڈریشن کے آٹھ میں سے سات یونٹس کے نمائندے اجلاس میں شریک ہوئے.پنجاب آرچری ایسوسی ایشن کے انتخابات نہ ہونے کی وجہ سے کوئی نمائندہ شرکت نہ کرسکا.شرکا نے پشاور میں دس نومبر کو بلائے جانے والے غیرقانونی اجلاس کی سخت مزمت اور انکوائری کا مطالبہ کیا

صدر آرچری فیڈریشن صدر سید عارف حسن نے کہا شرکا کے ایک بار پھر مکمل اعتماد پر ان کا شکرگزار ہوں۔ہنگامی اجلاس بلانے کا مقصد میڈیا میں فیڈریشن کے حوالے سے منفی تاثر کو زائل کرنا تھا ۔

سید عاقل شاہ سئنیر نائب صدر نے کہاکہ اجلاس میں دوہزار اکیس میں آرچری کی سرگرمیوں کو بھرپور انداز سے کرانے کا فیصلہ کیاگیا ہے۔ گیارہ نومبر کو باقاعدہ جنرل کونسل اجلاس میں بھی عارف حسن پر ایک مرتبہ پھر اعتماد کا اظہار کریں گے۔