بھارت نے غلطی سے سرحد پار کرنے والے پاکستانی کو گولی مار دی

بھارتی بارڈر سیکیورٹی فورسز نے غلطی سے پاک بھارت لائن آف کنٹرول پار کر کے بھارتی مقبوضہ کشمیر میں داخل ہونے والے پاکستانی شہری کو گولی مار کر زخمی کرنے کے بعد گرفتار کرلیا ہے۔ بھارتی بی ایس ایف کے مطابق مقبوضہ جموں کشمیر کے آر ایس پورہ سیکٹر میں بارڈر پوسٹ نمبر 942 کے قریب 40 سالہ پاکستانی شہری شبیر مبینہ طور پراچانک سرحد پار کر کے بھارتی علاقے میں چلا گیاجسے روکنے کی کوشش کی گئی تاہم وہ مسلسل آگے بڑھتا رہا۔ بی ایس ایف کے حکام نے اس پر گولی چلا دی جس سے وہ زخمی ہو کر وہیں گر گیا جسے گرفتار کرلیاگیا۔ابتدائی تحقیقات کے مطابق شبیرکی تلاشی لی گئی لیکن اس سے کچھ بھی برآمد نہیں ہوا۔ ڈرائع کے مطابق شبیر کا ذہنی توازن درست معلوم نہیں ہوتا تاہم بھارتی حکام مزید تفتیش کر رہے ہیں۔ بھارتی فورسز نے اس حوالے سے فوری طور پر پاکستانی حکام سے رابطہ کیا اور انہیں مکمل تفصیلات سے آگاہ کیا۔