پاکستان نے وہان میں‌موجود پاکستانی طلباء کے لیے خصوصی پراوزوں کا ہنگامی فیصلہ کیوں کیا ، اہم خبرآگئی

اسلام آباد :پاکستان نے وہان میں‌موجود پاکستانی طلباء کے لیے کیوں خصوصی پراوزوں کا ہنگامی فیصلہ کیا ، اہم خبرآگئی ،اطلاعات کے مطابق چین میں پاکستان کی سفیر نغمانہ ہاشمی نے کہا ہے کہ حکومت نے ووہان سے پاکستانی طالب علموں کو لانے کے لیے خصوصی پرواز چلانے کا فیصلہ کیا ہے۔

پاکستانی سفیر کا کہنا تھاکہ وبا کے دوران اپنے طالب علموں کو ووہان سے نہ نکالنے کا فیصلہ بہت مشکل تھا لیکن وقت نے ثابت کیا کہ یہ فیصلہ درست تھا۔نغمانہ ہاشمی نے کہا کہ ایسے وقت میں جب پوری دنیا چین سے اپنے لوگوں کو نکال رہی تھی، ہم نے چین پر اعتماد کیا کیونکہ ہمیں چین کی صلاحیتوں پر اعتماد تھا کہ وہاں پاکستانی طلبہ کا علاج زیادہ بہتر طور پر ہو سکے گا۔

#PakChina #Ironbrothers have always supported each other at all critical moments. #coronavirus crisis once again proved it. P1. @appcsocialmedia @AsimSBajwa @ForeignOfficePk @Gwadar_Pro @Asad_Umar @CPEC_UPDATE @CPEC_Official @SMQureshiPTI @zlj517 pic.twitter.com/aC6a9gu9ou

— Amb Naghmana Naheed. (@AmbNaghmanaHash) May 10, 2020

ان کا کہنا تھا کہ یہی وجہ ہے کہ پاکستان میں کورونا کی چین سے منتقلی کا کوئی بھی کیس سامنے نہیں آیا جب کہ چین میں بھی کوئی پاکستانی کورونا سے ہلاک نہیں ہوا۔ان کا مزید کہنا ہے کہ کورونا کی وبا کے خاتمے کے بعد چینی شہر ووہان کو دنیا کے لیے کھولا جاچکا ہے، ووہان میں پھنسے پاکستانی طالب علموں کو لانے کے لیے خصوصی پروازچلائی جائے گی۔

خیال رہے کہ رواں سال کے آغاز میں چین نے کورونا کی وبا کے مبینہ مرکز ووہان شہر سمیت پورے صوبے ہوبئی کو لاک ڈاؤن کردیا تھا، اس دوران وہاں زیر تعلیم 500 سے زائد پاکستانی طالب علم بھی پھنس گئے تھے۔طلبہ اور ان کے والدین کی جانب سے حکومت پر زور دیا گیا تھا کہ وہ انہیں وطن واپس لانے کے لیے اقدامات کرے تاہم چینی حکومت کی جانب سے طلبہ کی دیکھ بھال کی یقین دہانی اور وائرس کو پھیلنے سے روکنے کے لیے حکومت پاکستان نے طلبہ کو فوری طور پر وطن واپس نہ لانے کا فیصلہ کیا تھا۔