fbpx

پاک فضائیہ کا شمار دنیا کی بہترین فضائی فورسسز میں ہوتا ہے، عثمان بزدار

وزیراعلیٰ پنجاب سردارعثمان بزدارسے ائیرآفیسر کمانڈنگ سنٹرل ائیرکمانڈ، ایئر وائس مارشل ظفر اسلم نے ملاقات کی ہے، فضائی سرحدوں کی حفاظت کیلئے پاک فضائیہ کی پیشہ ورانہ مہارت اور خدمات کوسراہا گیا ہے، پاک فضائیہ کے جانبازوں کی شجاعت اور بہادری کی تعریف کی گئی ہے.

وزیر اعلیٰ پنجاب نے مزید کہا کہ پاکستان ائیر فورس کے شاہین قوم کے ہیروہیں، ایئرفورس کے جوانوں نے ملک کی فضا ئی سرحدوں کی ہمیشہ بہادری سے حفاظت کی ہے، قوم کو پاک فضائیہ کے شاہینوں پر فخر ہے، دشمن نے جب بھی ملک پر میلی نظر ڈالی تو پاک فضائیہ کے بہادروں نے منہ توڑ جواب دیا ہے، پاک فضائیہ کا شمار دنیا کی بہترین فضائی فورسز میں ہوتا ہے، قومی تعمیر کے شعبوں میں پاک فضائیہ کے بہترین کردار کو قدر کی نگاہ سے دیکھتے ہیں، تعلیم و صحت کے شعبوں میں بھی پاک فضائیہ کی کاوشیں لائق تحسین ہیں۔