شمالی وزیرستان میں شہید ہونے والے پاک فوج کے جوانوں کی نماز جنازہ ادا کر دی گئی، شہید کیپٹن عارف اللہ کوسرکاری اعزاز کے ساتھ لکی مروت کے مقامی قبرستان میں سپرد خاک کیا گیا، سپاہی محسن علی کی آبائی علاقے جڑانوالہ میں تدفین کی گئی

باغی ٹی وی کی رپورٹ کے مطابق شمالی وزیرستان کے علاقے میں شہید ہونے والے پاک فوج کے جوانوں کی نماز جنازہ ان کے آبائی علاقوں میں ادا کر کے تدفین کر دی گئی ہے. کیپٹن عارف اللہ کی لکی مروت میں نماز جنازہ اداکی گئی،اور مقامی قبرستان میں تدفین کی گئی. کیپٹن عارف اللہ کی نمازجنازہ میں جی او سی 9 ڈویژن اسد نواز سمیت اعلی فوجی و سول افسران اور عوام نے کثیر تعداد میں شرکت کی. سپاہی محسن علی کی نماز جنازہ جڑانوالا کے آبائی گاؤں پٹھان والا میں ادا کی گئی، شہید کے جسد خاکی کو پاک فوج کے چاق و چوبند دستے نے سلامی پیش کی اور فوجی اعزاز کے ساتھ سپرد خاک کیا گیا۔ شہید کی نماز جنازہ میں پاک فوج کے افسران اور مقامی حکام سمیت عوام نے بڑی تعداد میں شرکت کی. اس موقع پر شہریوں نے پاک فوج زندہ باد کے نعرے لگائے .سپاہی محسن علی شہید کے والد منظور احمد کا کہنا ہے مجھے اپنے بیٹے کی وطن کے لئے دی گئی قربانی پر فخر ہے، وطن کی حرمت و بقا کے لئے ہمارے خون کا آخری قطرہ بھی حاضر ہے۔

شمالی وزیرستان، 4 فوجی افسران کی شہادت پر عمران خان، عارف علوی، زرداری، شہباز شریف و دیگر کا اظہار تعزیت

شمالی وزیرستان میں شہید ہونے والے نائب حوالدار ظہیر احمد کا جسد خاکی ان کے آبائی گاؤں پہنچا دیا گیا، شہید کا تعلق چکوال کے نواحی گاؤں پیپلی سے ہے، شہید نائب حوالدار ظہیر احمد کی نمازِ جنازہ آج شام چار بجے ادا کی جائے گی۔