پاکستان میں نئی ائیر لائن بنانے کا اعلان

کراچی: تاجر برادری کی جانب سے نئی ایئرلائن بنانے کا اعلان کیا گیا ہے-

باغی ٹی وی : ’ایئر کراچی‘‘ کے نام سے نئی فضائی کمپنی کراچی کی تاجر برادری کی جانب سے متعارف کرائی جا رہی ہے نئی ایئر لائن کے نام ’’ایئر کراچی‘‘ کو ایس ای سی پی نے بھی رجسٹرڈ کرلیا ہے۔

ایف پی سی سی آئی کے سابق سینئر نائب صدرحنیف گوہر نے بتایا کہ ایئر کراچی کے لائسنس کے لیے وفاقی حکومت کو درخواست ارسال کردی گئی ہے، ایئر کراچی کے لیے پہلے مرحلے میں 3 طیارے لیز پر حاصل کیے جائیں گے،ائیر کراچی میں سی او کے منصب پر سدرن کمانڈر ائیر وائس مارشل عمران کو مقرر کیا گیا ہے جب کہ عقیل کریم ڈھیڈی، عارف حبیب، ایس ایم تنویر ، بشیر جان محمد ، خالد تواب، زبیر طفیل ،حمزہ تابانی ایئر کراچی کے شئیر ہولڈرز ہیں۔

حنیف گوہر نے بتایا کہ نئی فضائی کمپنی کا لائسنس چند دنوں میں حاصل ہونے کے قوی امکانات ہیں، ائیر کراچی 5 ارب روپے کی سرمایہ کاری سے شروع کی جارہی ہے، جس میں فی شیئر ہولڈرز کا حصہ 5 کروڑ روپے ہے۔