پاکستان نیوی کے چیف ایڈمرل ظفر محمود عباسی نے کہا ہے کہ پاک بحریہ بحری سرحدوں کے دفاع کیلئے مستعد اور ہمہ وقت تیار ہے
باغی ٹی وی کی رپورٹ کے مطابق پاک بحریہ کے سربراہ ایڈمرل ظفر محمود عباسی نے اکستان نیوی وارکالج لاہور میں کورس کے شرکااور فیکلٹی ممبران سے تقریب کے دوران خطاب کرتے ہوئے پاکستان نیوی سے متعلق اپنے وژن اور پاکستان نیوی کے منصوبوں پرروشنی ڈالی،ترجمان پاک بحریہ کے مطابق نیول چیف نے آئیڈیالوجی آف پاکستان کے مختلف پہلوؤں کو اجاگر کیا. ایڈمرل ظفر محمود عباسی نے کہا کہ تیزی سے بدلتے ہوئے حالات میں میری ٹائم سیکٹر کو مختلف قسم کے چیلنجز کا سامنا ہے،پاک بحریہ بحری سرحدوں کے دفاع کیلئے مستعد اورہمہ وقت تیار ہے، گوادر بندرگاہ سے بے پناہ سمندری وسائل جڑے ہیں .
