پاکستان پیپلزپارٹی کا بھی ضمنی الیکشن میں حصہ نہ لینے کا فیصلہ
پاکستان پیپلز پارٹی نے پاکستان ڈیموکریٹک موومنٹ کی تجویز پر ضمنی الیکشن میں حصہ نہ لینے کا فیصلہ کرلیا۔ ذرائع کے مطابق پاکستان پیپلزپارٹی نے بھی ضمنی الیکشن میں حصہ نہ لینے کا فیصلہ کرلیا۔ پاکستان ڈیموکریٹک موومنٹ پہلے ہی پی ٹی آئی کے استعفوں کے باعث خالی ہونیوالی نشستوں پر ہونیوالے ضمنی انتخابات میں حصہ نہ لینے کا اعلان کرچکی ہے۔
ذرائع کا کہنا ہے کہ پاکستان پیپلزپارٹی نے پی ڈی ایم کی تجویز پر ضمنی الیکشن میں حصہ نہ لینے کا فیصلہ کیا۔ ذرائع کے مطابق پیپلزپارٹی چیئرمین بلاول بھٹو زرداری نے آج پارٹی کے اہم رہنماؤں سے تفصیلی مشاورت کی۔
مزید یہ بھی پڑھیں؛
بچی کی مبینہ خودکشی؛ اسکول کی رجسٹریشن منسوخ کردی گئی ہے
برطانوی ائیرلائن نے پاکستان کیلئے فضائی آپریشن بند کردیا
نگران حکومت نے تونسہ شریف کو ضلع بنانے کا نوٹیفکیشن معطل کردیا گیا
ترکیہ زلزلہ،اسپتال میں نرسوں کی نوزائیدہ بچوں کو بچانے کی ویڈیو وائرل
ایپ کے ذریعے منگوائی گئی بریڈ کے پیکٹ کے ساتھ زندہ چوہا نکل آیا
نیب کی سیکرٹری پنجاب اسمبلی محمدخان بھٹی کے خلاف ناجائز اثاثے بنانے کی انکوائری شروع
سونے کی فی تولہ قیمت میں 3ہزار300روپے کااضافہ
خیال رہے کہ اس سے قبل پاکستان تحریک انصاف کے چئیرمین عمران خان کے انتخابات نہ لڑنے کے فیصلے پر پی ڈی ایم نے یوٹرن لے لیا تھا اور پاکستان ڈیموکریٹک موومنٹ (پی ڈی ایم) کا 33 حلقوں میں ضمنی انتخابات کے لئے حکومتی اتحادیوں کا حصہ لینے کا ارادہ بن گیا تھا۔
ذرائع کا کہنا تھا کہ سابق صدر آصف زرداری ضمنی انتخابات میں میدان خالی نہ چھوڑنے کی تجویزدی ہے، جبکہ مولانا فضل الرحمان کو منانے اور انتخابات میں متفقہ امیدوارلانے کے لئے وزراء پرمشتمل کمیٹی تشکیل دے دی گئی تھی جبکہ پی ڈی ایم کے سربراہ مولانا فضل الرحمان ضمنی انتخابات میں حصہ نہ لینے کا اعلان کرچکے ہیں جبکہ ذرائع نے بتایا کہ تمام حلقوں پرمتفقہ امیدوار لانے کی تجاویز پر بھی غور شروع کردیا گیا ہے۔ تاہم پاکستان ڈیموکریٹک موومنٹ ضمنی الیکشن نہ لڑنے کا اعلان کرچکی ہے.
