پاک سرزمین پارٹی کی خواتین ونگ کا بڑا پاور شو، اہل کراچی کا مصطفیٰ کمال پر بھرپور اعتماد

پاک سرزمین پارٹی کی خواتین ونگ کا بڑا پاور شو، اہل کراچی کا مصطفیٰ کمال پر بھرپور اعتماد

باغی ٹی وی :چیئرمین پاک سرزمین پارٹی نے کراچی میں اپنا پاور شو کر کے مخالفین کو حیران و پریشان کردیا . خواتین ونگ کے ایک بڑے اجتماع سے خطاب کرتے ہوئے سید مصطفیٰ کمال نے کہا کہ سابقہ حکومتوں میں‌خواتین کو نظر انداز کیا گیا .ہم اپنی ماؤں بہنوں بیٹیوں کو ہر طرح سے حقوق دیں گے. (پی ایس پی) سید مصطفیٰ کمال نے بلدیات کی انتخابی مہم کے آغاز کا اعلان کرتے ہوئے الزام عائد کیا ہے کہ پاکستان پیپلزپارٹی اور ایم کیوایم ظلم کررہے ہیں۔ انہوں نے عوام الناس کو مخاطب کرتے ہوئے کہا کہ میں آواز لگاتا ہوں کہ ان ظالموں کے خلاف کھڑے ہوجاؤ۔
کراچی کے سابق ناظم سید مصطفیٰ کمال نے کہا کہ آئندہ انتخابات میں بڑی تعداد میں اپنی ماؤں اور بہنوں کو انتخابی ٹکٹ دیں گے۔ انہوں نے کہا کہ موقع ملا تو ایسی قانون سازی کریں گے کہ 40 فیصد نشستوں پر مائیں اور بہنیں ایم این اے اور ایم پی اے بنیں۔

چیئرمین پی ایس پی کے چیئر مین سید مصطفیٰ کمال نے اعلان کیا کہ اقتدار میں آئے تو ماؤں اور بہنوں کو قرضے دیں گے اور مائیکرو فنانسنگ کریں گے تاکہ خواتین زیادہ با اختیار بنیں۔ ان کا کہنا تھا کہ ماؤں اور بہنون کے لیے پبلک ٹرانسپورٹ کو مفت کروں گا۔سید مصطفیٰ کمال نے کہا کہ کراچی کی ماؤں اور بہنوں نے ظلم کے آگے شمع روشن کی ہے۔ انہوں ںے خبردار کرتے ہوئے کہا کہ ماؤں اور بہنوں سے کہتا ہوں کہ لوگ آکر مہاجر کارڈ کھیلنے کی کوشش کریں گے۔ ان کا کہنا تھا کہ اپنی کرپشن چھپانے کے لیے جاگ مہاجر جاگ کا نعرہ بھی لگائیں گے۔

انہوں نے نام لیے بغیر کہا کہ ان کی اوقات نہیں کہ ایک گلی الگ کرسکیں مگر بات دو صوبوں کی کرتے ہیں۔ انہوں نے کہا کہ ان کے ایسے نعروں سے اندرون سندھ پاکستان پیپلز پارٹی کو فائدہ ہوجاتا ہے۔

مصطفیٰ کمال نے کہا کہ یہ دونوں ایک دوسرے کو فائدہ پہنچا رہے ہیں۔ انہوں نے دعویٰ کیا کہ نہ تو ایم کیو ایم مہاجروں کی نمائندہ جماعت ہے اور نہ ہی پی پی سندھیوں کی نمائندہ جماعت ہے۔

سید مصطفیٰ کمال نے کہا کہ مشرقی پاکستان کے لوگوں کو اختیار دینا چاہیے تھا لیکن عاقبت نا اندیش لوگوں نے ملک کے دو ٹکڑے کردیے مگر بنگالیوں کو اختیار نہیں دیا۔

انہوں نے کہا کہ ہم سندھیوں کا احسان مانتے ہیں اور انہیں انصار کا درجہ دیتے ہیں۔ انہوں ںے کہا کہ مصطفیٰ کمال منافق نہیں ہے اور حقیقت یہ ہے کہ ہر لیڈر صرف پنجاب جیتنا چاہتا ہے کیونکہ جو جی ٹی روڈ کی 90 نشستیں جیت جاتا ہے وہ وزیراعظم بن جاتا ہے۔