ترجمان دفتر خارجہ ممتاز زہرا بلوچ نے کہا ہے کہ امریکا سے دیرینہ مراسم ہیں، ایک دوسرے کے اندرونی معاملات میں عدم مداخلت پر مبنی تعلقات کے حامل ہیں،
ہفتہ وار بریفنگ کے دوران ترجمان دفتر خارجہ ممتاز زہرا بلوچ کا کہنا تھا کہ ٹرمپ کی جیت پر صدر مملکت اور وزیر اعظم نے ان کو مبارکباد دی۔ امریکہ کے ساتھ دہائیوں پرانے تعلقات ہیں۔ پاک امریکہ تعلقات میں مزید مضبوطی کے خواہاں ہیں، پاکستان کے امریکا کے ساتھ دیرینہ تعلقات ہیں، پاکستان اور امریکا پرانے دوست اور شراکت دار ہیں، ہم ایک دوسرے کے اندرونی معاملات میں عدم مداخلت پر مبنی تعلقات کے حامل ہیں۔
ترجمان دفتر خارجہ نے غزہ جنگ پر بات کرتے ہوئے کہا کہ غزہ میں اسرائیلی جارحیت کی شدید مذمت کرتے ہیں، پاکستان مسئلہ فلسطین کے دو ریاستی حل کا حامی ہے، غزہ میں نسل کشی کو فوری بند کرنے کیلئے اقوام عالم اپنا کردار ادا کرے، غزہ میں اسرائیل کی جانب سے نسل کشی کی جنگی جرائم کے تحت تحقیقات ہونی چاہئیے،ہم اقوام متحدہ کی غزہ کی صورتحال سے متعلق رپورٹ کا خیرمقدم کرتے ہیں، ایسے حملوں سے فوری طبی امداد کے طلبگار فلسطینیوں کو امداد کے حصول میں مشکلات کا سامنا ہے۔
ترجمان دفتر خارجہ ممتاز زہرا بلوچ کا مزید کہنا تھا کہ وزیراعظم محمدشہبازشریف گیارہ نومبر سے سعودی عرب کا دورہ کریں گے ۔وزیر اعظم ریاض میں دوسری مشترکہ عرب اسلامی سربراہی کانفرنس میں شرکت کریں گے۔ کانفرنس میں مشرق وسطیٰ کی صورتحال پر تبادلہ خیال کیا جا ئے گا۔ وزیراعظم اس موقع پرعالمی رہنماؤں سے بھی ملاقاتیں کریں گے پاکستان مسئلہ فلسطین کے دوریاستی حل کاحامی ہے۔۔
ٹرمپ کی تین شادیاں،26 جنسی ہراسانی کے الزامات،امیر ترین صدر
ٹرمپ کی جیت،زلفی بخاری کی مبارکباد،ملاقات کی تصویر بھی شیئر کر دی
ٹرمپ کے دوبارہ صدر منتخب ہونے پر روس،ایران کا ردعمل
ٹرمپ کو برطانوی،بھارتی وزیراعظم،فرانسیسی،یوکرینی صدر و دیگر کی مبارکباد
امریکی انتخابات،سیاسی منظر نامے میں اہم تبدیلیاں
وزیراعظم کی ٹرمپ کو مبارکباد،پاک امریکا تعلقات مزید مضبوط کرنے کا عزم
اپریل 2022 میں عمران خان سے ملاقات کرنیوالی الہان عمر چوتھی بار کامیاب
ٹرمپ کی وائٹ ہاؤس میں واپسی امریکہ کے لیے ایک نیا آغاز،اسرائیلی وزیراعظم
ٹرمپ کی فاتحانہ تقریر،ایلون مسک کی تعریفیں”خاص”شخص کا خطاب
