پاکستان اگر جنگ سے بچنا چاہتا ہے تو آزاد کشمیر حوالے کر دے…. ایک اور بھارتی وزیر کی گیڈر بھھکی

بھارتی وزیر برائے سماجی انصاف اور ریپبلکن پارٹی آف انڈیا (آر پی آئی) کے سربراہ رام داس اٹھاولے پاکستان کو گیڈر بھبھکی لگاتے ہوئے کہا کہ پاکستان کے مفاد میں ہے کہ وہ آزاد کشمیر کو ہندوستان کے حوالے کر دے کیونکہ کئی خبروں میں یہ سامنے آیا ہے کہ وہاں کے لوگ پاکستان سے ناخوش ہیں اور وہ ہندوستان کا حصہ بننا چاہتے ہیں۔

Union Minister Ramdas Athawale, in Chandigarh: If Pakistan wants good for itself, it should hand over Pakistan occupied Kashmir (PoK) to us. If they don't want a war and Imran Khan thinks of Pakistan's interest then he should hand over PoK to us. (13.09.2019) pic.twitter.com/84pgN5EnDO

— ANI (@ANI) September 14, 2019

واضح رہے کہ مقبوضہ جموں و کشمیر میں بھارت کی لاکھوں کی تعداد میں فوج کی موجودگی کے باوجود گذشتہ 41دن سے کرفیو نافذ ہے۔ کرفیو کے باوجود کشمیری عوام محاصرہ توڑ کر بھارت کے خلاف مظاہرے کر رہی ہیں۔ بھارت نے مقبوضہ وادی میں انٹرنیٹ، موبائل سروس کے ساتھ ساتھ لینڈ لائن سروس بھی بند کر دی ہے تاکہ مقبوضہ کشمیر کی اصل صورتحال سے دنیا واقف نہ ہو جائے۔

یاد رہے کہ اس سے قبل بھارتی وزیر دفاع راجناتھ سنگھ نے پاکستان کو ایک اور گیڈر بھبھکی لگاتے ہوئے کہا ہے کہ اگر نئی دہلی اور اسلام آباد کے مابین مذاکرات ہوئے تو یہ صرف آزاد کشمیرپر ہوں گے۔
راجناتھ سنگھ کی نئی گیڈر بھبھکی، آزاد کشمیر کے متعلق بیان دے دیا
راجناتھ سنگھ نے ایک اور بیان میں کہا تھا کہ انڈیا نیوکلیئر ہتھیاروں کا پہلے استعمال نہ کرنے سے متعلق اپنی حکمت عملی کوتبدیل بھی کرسکتا ہے۔