fbpx

پاکستان اورعراق کے درمیان سیاحت ، مفاہمت کی یادداشت پر دستخط مضبوط رشتوں کی علامت:دفترخارجہ

اسلام آباد:پاکستان اورعراق کے درمیان سیاحت ، مفاہمت کی یادداشت پر دستخط مضبوط رشتوں کی علامت:دفترخارجہ کا کہناہے کہ پاکستان اور عراق کے درمیان سیاحت کے حوالے سے مفاہمت کی یادداشت پر دستخط کر لئے گئے ۔

دفتر خارجہ کے ترجمان عاصم افتخار کے مطابق پاکستان و عراق نے 19 جنوری 2022 کو بغداد میں سیاحت کے شعبے میں مفاہمت کی ایک یادداشت پر دستخط کیے ،

ذرائع کا یہ بھی کہنا ہے کہ اس ایم او یو پر عراق کے وزیر برائے ثقافت، سیاحت اور نوادرات اور جمہوریہ عراق میں پاکستان کے سفیر نے دستخط کیے جبکہ مفاہمت سے دونوں ممالک کے درمیان سیاحت کے شعبے میں تعاون کو فروغ ملے گا۔

عاصم افتخار نے کہا کہ پاکستان اور عراق کے درمیان عوام کے روابط مضبوط ہوں گے، پاکستانی زائرین کو عراق میں سہولت فراہم کرنے کے لیے پاکستان عراقی فریق کے ساتھ بھی سرگرم عمل ہے اور پاکستان جمہوریہ عراق کے ساتھ اپنے برادرانہ تعلقات کو مزید گہرا اور وسیع کرنے کے لیے پرعزم ہے۔

یاد رہے کہ پاکستان اور عراق کے درمیان دوطرفہ تعاون کو نمایاں فروغ ملا جس میں گزشتہ سال متعدد وزارتی سطح کے دوروں کا تبادلہ ہوا، خاص طور پر وزیر خارجہ مخدوم شاہ محمود قریشی کا دورہ، جس کا بدلہ وزیر خارجہ فواد حسین نے دیا۔