پاکستان نے مقبوضہ کشمیرمیں بھارتی مظالم پر سلامتی کونسل کا اجلاس بلانے کی درخواست کردی

اسلام آباد:بھارت کی طرف سے مقبوضہ کمشیر کو ہتھیانے کے بعد پاکستان نے مقبوضہ کشمیر کی صورت حال پرسیکیورٹی کونسل سے رابطہ کرلیا۔پاکستان وزیر خارجہ شاہ محمود قریشی کے مطابق پاکستان نے سیکیورٹی کونسل کا ہنگامی اجلاس بلانے کا مطالبہ کیا ہے۔شاہ محمود قریشی کا کہنا تھا کہ آج انھوں نے سیکیورٹی کونسل کے صدر کوخط لکھا تھا، جو انھیں موصول ہو چکا ہے، یکم اور 6اگست کو لکھے گئے خطوط بھی ریکارڈ کا حصہ ہیں۔

شاہ محمود قریشی نے سلامتی کونسل کو لکھے گئے خط میں لکھاکہ مقبوضہ کشمیر کی صورتحال پر بھارت کوبھی باور کرانا چاہتا ہوں کہ آپ کی جارحیت پر پاکستان کا خاموش رہنا آپ کی غلط فہمی ہے، پاکستان اپنے دفاع میں ہر حد تک جاسکتا ہے۔شاہ محمود قریشی نے کہا کہ بھارت کو اس کا اندازہ 27 فروری کے عملی مظاہرے سے ہو چکا ہے، انشا اللہ کل 14 اگست کو وزیر اعظم عمران خان مظفرآباد جا رہے ہیں، وزیر اعظم پاکستان کامؤقف آزاد کشمیر نمائندوں کے سامنے رکھیں گے، کل پورے پاکستان میں کشمیریوں سےاظہار یکجہتی کامظاہرہ ہوگا۔

وزیر خارجہ شاہ محمود قریشی نے دنیا کو باور کراتے ہوئے کہا کہ 15 اگست کو پورے پاکستان میں یوم سیاہ ہو گا، دنیادیکھےگی، ہردار الخلافہ سے ان اقدامات کے خلاف آوازاٹھےگی، کشمیریوں کو پیغام دیناچاہتا ہوں کہ آپ تنہا نہیں، ہم آپ کے ساتھ ہیں۔

جواب چھوڑیں

آپ کا ای میل ایڈریس شائع نہیں کیا جائے گا.