بھارتی میڈیا اورسائبرسکیورٹی چیف کے بیانات ، بیانئیے کی جنگ میں پاکستان کی جیت، بھارت کی ہار

نئی دہلی :بھارتی میڈیا اورسائبرسکیورٹی چیف کے بیانات ، بیانئیے کی جنگ میں پاکستان کی جیت، بھارت کی ہار،اطلاعات کے مطابق بھارتی سائبر سکیورٹی چیف نے بیانئیے کی جنگ جیتنے کیلئے پاکستانی ڈی جی آئی ایس پی آر سے سیکھنے کا مشورہ دیدیا، بھارتی میڈیا نے کہا ہے کہ بیانئیے کی جنگ کیسے لڑنی ہے؟ یہ ڈی جی آئی ایس پی آر میجر جنرل آصف غفور سے سیکھنا پڑے گا۔

عالمی جنگ کی تیاریاں عروج پر؛امریکہ نے خلائی فوج کی تشکیل کردی

بھارتی سائبر سکیورٹی چیف کا کہنا ہے کہ بھارت کی تینوں مسلح افواج کیلئے الگ الگ پبلسٹی ونگز ہیں اور تینوں افواج کے پبلسٹی ونگ اپنے اپنے راگ الاپ رہے ہوتے ہیں جبکہ پاکستان کا ایک آئی ایس پی آر موثر انداز میں بیانئیے دے رہا ہے۔بھارتی میڈیا نے مزید کہا ہے کہ پاکستانی جیت کی اصل وجہ مسئلہ افواج کا متحد بیانیہ ہے۔

گناہ بخشاون آئے تے روزے پئے گئے:مساجد کے اطراف غلط پارکنگ پر بھاری جرمانہ ہونگے

لیفٹننٹ جنرل ریٹائرڈ راجیش پنٹ کا کہنا تھا کہ بھارتی فورسز بھی پاکستان کی طرح مشترکہ آئی ایس پی آر تشکیل دیکر بیانیہ پیش کرے کیونکہ پاکستانی مسلح افواج کا ترجمان ہر فورس کے اقدامات کی منظم ترجمانی کرتا ہے۔پاکستان کے ڈی جی آئی ایس پی آر کے سامنے میں بھارت کی پروپیگنڈا مشینری نے ہتھیار ڈال دئیے۔

بے لگام سیاسی رہنماء کی سیاست اورصحافت پرعجیب منطق

انہوں نے کہا کہ اطلاعات کی جنگ میں پاکستانی ڈی جی آئی ایس پی آر کی بات کو وزن دیا جاتا ہے، پاکستانی ڈی جی آئی ایس پی آر کشمیر میں انسانی حقوق کی خلاف ورزیوں پر بات کرتے ہیں تو پورا یورپ ان کی بات کو توجہ دیتا ہے، جب پاکستانی ڈی جی آئی ایس پی آر خطے کو خطرات کی بات کرتے تو دنیا اس خطرے کو محسوس بھی کرتی ہے۔

پیپلزپارٹی نے کراچی تباہ کیا،وزیراعظم

لیفٹننٹ جنرل ریٹائرڈ راجیش پنٹ نے بھارتی فورسز سے مطالبہ کرتے ہوئے کہا ہے کہ بھارت کو بھی قومی سطح پر اس سمت میں دیکھنا ہوگا اور اپنی فورسز کا منظم بیانئیہ پیش کرنے کی طرف توجہ دینا ہوگی کیونکہ آج کی جنگ میں طور طریقے بدل چکے ہیں جس میں ڈی جی آئی ایس پی آر ہم سے کہیں آگے ہیں۔